Prevyu. “Dinamo” – “Nasaf”
07 mar 2019 16:24
Yangiliklar
“Ajdarlar” Superliga 1-turini Samarqandning “Dinamo” jamoasiga qarshi maydonga chiqishadi.
Yon qo'shnilar sanalmish Samarqand va Qarshi shahri jamoalari o'rtasidagi har bir uchrashuv qiziqarli va kutilmagan natijalarga boy bo'lgan. SHuningdek “Dinamo” jamoasi “Nasaf” uchun doimo noqulay raqib bo'lib kelgan.
Samarqand jamoasi bir yillik tanaffusdan so'ng yana Superligaga qaytdi. Eslatib o'tamiz “Dinamo” jamoasi Pro-ligada ishtirok etgan edi.
Mana oradan bir yil o'tib, mazkur jamoalar yana Superligada tuqnash kelishmoqda. “Dinamo” – “Nasaf” uchrashuvi 9 mart shanba kuni “Dinamo” stadionida bo'lib o'tadi. Uchrashuv soat 16:00da boshlanadi.
O'zaro uchrashuvlar tarixidan
Mazkur klublar oliy ligada shu kungacha 38 bor kuch sinashishgan. Natijalar "Nasaf"ning ustunligini ko'rsatmoqda. Bo'lib o'tgan 20 uchrashuvda “Nasaf”, 7 o'yinda esa “Dinamo” g'alabaga erishgan. 11 uchrashuvda durang natijasi qayd etilgan.
To'plar nisbati 35:55ga teng. Ustunlik “Nasaf” tarafida.
O'zaro uchrashuvlarda qayd etilgan eng yuqori hisoblar quyidagicha: “Nasaf” – “Dinamo” 5:0, “Dinamo” – “Nasaf” 4:0.
"Nasaf" so'nggi o'zaro uchrashuvni 2017 yil 20 oktyabrda Qarshida o'tkazgan. Bu uchrashuv 3:0 hisobida yakunlangan. 2018 yilgi mavsumda “Dinamo” Superligada ishtirok etmagan.
Samarqanddagi o'zaro bahslarga oid
Ushbu jamoalar shu paytgacha Samarqandda 18 bor kuch sinashishgan. Uchrashuvlarning oltitasida "Nasaf" g'alaba qozongan. Besh uchrashuvda samarqandliklarning qo'li baland kelgan. Qolgan etti uchrashuvda kuchlar teng kelgan. Darvozalarga jami 39ta to'p kiritilgan. To'plar nisbatida ham kichik ustunlik “Nasaf” tomonida 19:20.
Samarqandda bo'lib o'tgan o'zaro uchrashuvlarda so'nggi bor, 2008 yili “Dinamo” 3:0 hisobida g'alabaga erishgan. “Nasaf” so'nggi bor, Samarqandda 2014 yili g'alaba qozongan. Bu uchrashuvda “ajdarlar” raqiblari darvozasiga beshta javobsiz to'p yo'llashgan.
Etiboringizga, Samarqandda bo'lib o'tgan so'nggi besh uchrashuvning natijalarini havola qilamiz.
13.05.2017 «Dinamo» - «Nasaf» 1:1
31.10.2015 «Dinamo» - «Nasaf» 1:1
03.08.2014 «Dinamo» - «Nasaf» 0:5
17.08.2013 «Dinamo» - «Nasaf» 1:3
15.03.2012 «Dinamo» - «Nasaf» 0:2
Dinamo Amirzhon Safarov - 51' |
Superliga. 1-tur 09/03/2019, 16:00 1
:
1
Tugadi
|
Nasaf Dilshod Saitov - 12' |
O’xshash yangiliklar
![AMP Logo](https://championat.asia/image/logo-amp.png)
Fikrlar