Prevyu. "Buxoro" - "Qizilqum"

BUXORO – QIZILQUM
2 oktyabr 2014 yil. Buxoro. "Buxoro" stadioni. 18:00
Hakamlar: V.Ceytlin, O.Abduvosilov, N.Ro'zimov, N.Qosimov.
Nazoratchi: S.Ermatov.

“Buxoro” va “Qizilqum” oliy ligada 27 marta to'qnash kelishgan. Ushbu o'yinlardan 13tasida navoiyliklar g'olib bo'lishgan. 3ta o'yin durang hisobida yakunlangan, “Buxoro” hisobida 10ta g'alaba mavjud.

“Buxoro” shu kungacha o'zaro o'yinlarda “Qizilqum” darvozasiga 34ta to'p kiritgan, navoiyliklar esa “Buxoro” darvozasiga 45ta gol urishgan. “Buxoro”  o'zaro o'yinlarda 34 ochko ishlab olgan bo'lsa, “Qizilqum” 43 ochkoni qo'lga kiritgan. “Buxoro”ning oliy ligada “Qizilqum” ustidan erishgan eng yirik g'alabasi 4:1 ni tashkil qiladi. “Qizilqum”ning yirik g'alabasi esa - 5:0.
 
Birinchi davrada Navoiyda bo'lib o'tgan uchrashuvda durang qayd etilgandi. O'sha o'yinning ikkinchi bo'limi boshida Vladimir SHishelov penaltidan gol urib hisobni ochgandi. Baxriddin Vahobovning urgan goli hisobni tenglashtirgandi – 1:1.

Buxoroda bo'lib o'tgan so'nggi besh uchrashuv:
30.03.2013 Buxoro - Qizilqum 4:3
19.10.2012 Buxoro - Qizilqum 1:0
15.10.2011 Buxoro - Qizilqum 2:1
03.10.2009 Buxoro - Qizilqum 3:5
26.04.2008 Buxoro - Qizilqum 0:2

O'zaro o'yinlar haqida fakt: “Buxoro” mezbonlik qilgan o'yinlarda bir marta durang qayd etilgan. 7 marta “Buxoro” zafar quchgan bo'lsa, 5ta o'yinda “Qizilqum” safarda bo'lishiga qaramay raqibdan ustun kelgan. Buxorodagi oxirgi uchta o'yinda “Qizilqum” uch marta mag'lub bo'lgan.