Prevyu. Buxoro – Olmaliq

Buxoro (Buxoro) – Olmaliq (Olmaliq)
5 mart 2016. Buxoro. "Buxoro" stadioni. 16:45
Hakamlar:  A. Asimov (Toshkent), T. Galeev (Toshkent), A. Po'latov (Toshkent), N. Qosimov (Qarshi)
Nazoratchi: S. Ermatov (Toshkent).

“Buxoro” va “Olmaliq” oliy ligada 14 marta o'zaro o'ynashgan. Natijalar “Olmaliq”ning ustunligini ko'rsatmoqda. “Olmaliq” 8ta o'yinda g'olib bo'lgan, “Buxoro” 4 marta bu raqibni mag'lub etgan. 2ta o'yinda durang qayd etilgan. To'plar nisbatida ustunlik “Olmaliq” tomonida - 29:14. O'zaro o'yinlarda “Buxoro” 14 ochkoga ega bo'lgan bo'lsa, “Olmaliq” 26 ochkoni qo'lga kiritgan.

“Buxoro”ning o'zaro o'yinlarda qozongan eng yirik g'alabasi – 3:1ga teng. “Olmaliq”ning eng yirik g'alabasi esa 6:1.

2015 yil Buxoroda kechgan o'yinda mehmonlar zafar quchishgan. “Olmaliq” safida SHavkat Salomov (2ta), Arslonmurod Omonov va Salamat Qutiboev “Buxoro” darvozasini ishg'ol qilishgan – 0:4. Qizig'i Salomov va Qutiboev bu yil aynan “Buxoro”ga ko'chib o'tishdi.  Olmaliqda kechgan bahsda mehmonlardan Aziz Ibragimov hisobni ochgandi, bunga “Olmaliq” safida Nikita Pavlenko javob bergandi – 1:1.

Buxoroda bo'lib o'tgan oxirgi 5 uchrashuv:
25.04.2015 Buxoro - Olmaliq 0:4
25.10.2014 Buxoro - Olmaliq 2:1
20.04.2013 Buxoro - Olmaliq 1:0
15.06.2012 Buxoro - Olmaliq 0:1
09.04.2011 Buxoro - Olmaliq 1:0

O'zaro o'yinlar haqida fakt: “Buxoro” o'z maydonida bo'lib o'tgan 7ta o'yinning 3tasida g'alaba qozongan. Qolgan to'rt bahsda “Olmaliq” safarda bo'lishiga qaramay raqibni taslim qilishga muvaffaq bo'lgan.