Prevyu. "Buxoro" - "Nasaf"

Buxoro (Buxoro) – Nasaf (Qarshi)
12 aprel 2015. Buxoro. "Buxoro" stadioni. 17:30
Hakamlar: V.Serazetdinov, R.Nugmanov, D.Saylalov, A.SHukurullaev.
Nazoratchi: A.Xotamov.

Bu ikki klubning yo'llari oliy liga o'yinlarida 34 bor kesishgan. Ustunlik “Nasaf” tomonida. 34 o'yindan 17tasida qarshiliklarning qo'li baland kelgan bo'lsa, 9 uchrashuvda “Buxoro” g'olib bo'lgan. 8ta uchrashuvda g'olib aniqlanmagan. To'plar nisbati ham “ajdarlar” foydasiga. Qarshiliklar shu kunga qadar o'zaro o'yinlarda 60ta to'p kiritib o'z darvozasidan 37 marta to'p olib chiqishgan. O'zaro o'ynlarda “Nasaf” 59 ochkoni, “Buxoro” esa 35 ochkoni qo'lga kiritgan.

“Nasaf” oliy ligada “Buxoro” ustidan 6:0 hisobida g'alaba qozongan. Bu o'zaro o'yinlardagi “ajdarlar”ning eng yirik g'alabasidir. “Buxoro”ning o'zaro o'yinlardagi “Nasaf” ustidan erishgan eng yirik g'alabasi esa 5:1 bo'lib turibdi.

O'tgan yil “Nasaf” har ikkala bahsda ham zafar quchgan. Qarshida Artur Gevorkyan, Kenja To'raev va Farruh Sayfiev o'zlarini ko'rsatishgan – 3:0. Buxoroda esa Kenja To'raev hamda Azamat Allaniyazov mezbonlar darvozasiga gol urishgan – 0:2.

Buxoro o'tgan so'nggi besh uchrashuv:
15.08.2014 Buxoro - Nasaf 0:2
29.10.2013 Buxoro - Nasaf 1:5
26.06.2012 Buxoro - Nasaf 1:0
22.04.2011 Buxoro - Nasaf 1:1
07.03.2009 Buxoro - Nasaf 0:1

O'zaro o'yinlar haqida fakt: “Buxoro” o'z uyida 9 bor “Nasaf”ni taslim qilgan. To'rtta uchrashuv durang bilan tugagan. “Ajdarlar” to'rt marta Buxorodan uch ochko bilan qaytgan. Oxirgi ikki bahsda “Nasaf” safardan uch ochko bilan qaytgan.