Prevyu. "Bunyodkor" - "Qo'qon-1912"

Bunyodkor (Toshkent) – Qo'qon-1912 (Qo'qon)
19 noyabr 2015. Toshkent. "Bunyodkor" stadioni. 14:00
Hakamlar: D. Pislegin (Toshkent), A. Usmonov (Toshkent), N. Ro'zimov (Toshkent), A. Rubakov (Toshkent)
Nazoratchi: SH. Jumaev (Qarshi).
 
“Bunyodkor” va “Qo'qon-1912” klublari hozirga qadar oliy ligada bir marta to'qnash kelishgan. SHu yilning birinchi davrasi Qo'qonda o'tgan o'yinda bitta gol urilgandi. Ikkinchi bo'limda “qaldirg'ochlar” yarim himoyachisi Dostonbek Hamdamovning kiritgan to'pi “Bunyodkor”ga g'alaba keltirgandi – 1:0.  

“Bunyodkor” 29ta o'yinning 17tasida g'olib bo'ldi, 5 marta durang o'ynadi va 7 bor mag'lub bo'ldi. Jamoa 56 ochko bilan musobaqa jadvalining 4-pog'onasida bormoqda. “Qaldirg'ochlar” o'z maydonidagi 14ta o'yinning 11tasida g'alaba qozonishdi, bir bor durang o'ynashdi va ikki marta mag'lub bo'lishdi.

“Qo'qon-1912” 29ta turdan so'ng 31 ochko bilan musobaqa jadvalining 12-pog'onasida bormoqda. Jamoa 9ta uchrashuvda zafar quchdi, 4 marta durang o'ynadi va 16 bor yutqazib qo'ydi. Qo'qonliklar safardagi 15ta o'yinning 6tasida yutdi, 3tasida durang o'ynadi va 6tasida yutqazdi.