PREVYU. "Bunyodkor" - "Nasaf"

Bunyodkor – Nasaf
25 sentyabr 2014 yil. Toshkent. “Jar” stadioni. 18:00
Hakamlar: M.Ismoilov, M.Saidqosimov, A.Capenko, I.Xudoydotov
Nazoratchi: R.Serazetdinov.

“Bunyodkor” va “Nasaf” oliy ligada jami 15 bora to'qnash kelishgan. Natijalar “Bunyodkor”ning ustunligini ko'rsatmoqda. SHu kunga qadar “Bunyodkor” 8ta o'yinda g'alaba qozongan. Beshta o'yin durang bilan yakunlangan. “Nasaf” bugunga qadar “Bunyodkor”ni ikki marta mag'lubiyatga uchratgan. “Bunyodkor” 23ta to'p kiritgan, “Nasaf” esa toshkentliklar darvozasini 7 bora aniq nishonga olgan. “Qaldirg'ochlar” o'zaro o'yinlarda 29 ochko ishlab olishgan bo'lsa, “ajdarlar”ning ushbu ko'rsatkichi 11taga teng.

“Bunyodkor”ning o'zaro o'yinlarda “Nasaf" ustidan qozongan eng yirik g'alabasi – 5:0 ga teng. “Nasaf”ning yirik g'alabasi esa – 2:0.

8-turda Qarshida kechgan o'yinda mezbonlar g'alaba qozonishgan. Dastlabki bo'limda Ilhom Yunusov, ikkinchi bo'limda Ilhom SHomurodov “Bunyodkor” darvozasini ishg'ol qilishgandi – 2:0.
 
Toshkentda o'tgan so'nggi besh uchrashuv:  
08.03.2013 Bunyodkor - Nasaf 3:0
16.06.2012 Bunyodkor - Nasaf 0:0
11.06.2011 Bunyodkor - Nasaf 2:1
28.07.2010 Bunyodkor - Nasaf 5:0
24.08.2009 Bunyodkor - Nasaf 2:1

O'zaro o'yinlar haqida fakt: Bu jamoalar Toshkentda jami 7 bor kuch sinashishgan. SHundan 6tasida “qaldirg'ochlar” g'alabaga erishishgan. “Nasaf” poytaxtda ushbu jamoani umuman mag'lub eta olmagan. Faqat 2012 yilda safardan durang bilan qaytgan. “Ajdarlar” Toshkentdagi bahslarda “Bunyodkor” darvozasiga ikkita gol urishgan.