Prevyu. "Bunyodkor" - "Dinamo"

Bunyodkor – Dinamo
23 avgust. Toshkent. “Jar” stadioni. 19:00
Hakamlar: M.Muhamedov, S.SHoyusupov, F.Hasanov, N.Boltaev.
Nazoratchi: D.Roman.

“Dinamo” va “Bunyodkor” oliy ligada 15 bora to'qnash kelishgan. Natijalar “qaldirg'ochlar”ning kattagina ustunligini ko'rsatmoqda. “Bunyodkor” 14ta o'yinda g'olib bo'lgan, 1ta o'yin durang hisobida yakunlangan. “Dinamo” ushbu raqibni hozirga qadar umuman mag'lub eta olmagan. To'plar nisbatida ham ustunlik “Bunyodkor” tomonida - 33:6. O'zaro o'yinlarda “Dinamo” 1, “Bunyodkor” esa 43 ochkoni qo'lga kiritgan.

“Bunyodkor”ning o'zaro o'yinlarda qozongan eng yirik g'alabasi – 4:0ga teng. “Dinamo”da g'alaba yo'qligi haqida aytib o'tdik.

Dastlabki davrada Samarqanddagi bahsda “qaldirg'ochlar” zafar quchishgan. Akmal Xolmurodov o'z darvozasini ishg'ol qilib hisobni ochgan bo'lsa ikkinchi bo'limda Oleg Zoteev yakuniy natijani o'rnatgandi – 0:2.

Toshkentda bo'lib o'tgan so'nggi besh uchrashuv:
05.10.2013 Bunyodkor - Dinamo 4:1
03.09.2012 Bunyodkor - Dinamo 2:1
24.09.2011 Bunyodkor - Dinamo 2:0
06.05.2010 Bunyodkor - Dinamo 2:1
09.11.2009 Bunyodkor - Dinamo 2:0

O'zaro o'yinlar haqida fakt: “Dinamo” ushbu raqib maydonidagi 7ta o'yinning barchasida mag'lub bo'lgan. “Qaldirg'ochlar” Toshkentdagi barcha uchrashuvlarda kamida ikkitadan gol urishgan.