Prevyu. "Andijon" - "Mashal"

Andijon (Andijon) – Mashal (Muborak)
8 may 2016. Andijon. "Sog'lom Avlod" stadioni. 17:00
Hakamlar: I. Tantashev (Buxoro), R. Nugmanov (Toshkent), SH. Fayziev (Jizzax), D. Akmalov (Toshkent)
Nazoratchi: A. Popov (Toshkent).

Oliy liganing bu ikki klubi o'zaro 28 bor kuch sinashishgan. Natijalar “Mashal”ning ustunligini ko'rsatmoqda. Muborakliklar 17 o'ynida g'alaba qozonishgan, 3 uchrashuv durang bilan yakunlangan. “burgutlar” esa bugunga qadar raqibni 8 bor mag'lub eta olishgan. To'p kiritish borasida ham ustunlik “Mashal” tomonida – 43:33. O'zaro o'ynlarda “Mashal” 54, “Andijon” esa 27 ochkolik bo'lgan.

“Andijon”ning “Mashal” ustidan qozongan eng yirik g'alabasi – 4:0. “Mashal”ning ushbu raqib ustidan qozongan eng yirik g'alabasi 6:1ga teng.

O'tgan yil ikkinchi turda Muborakda o'tgan bahsda mezbonlar Jamshid Hasanov hamda Vladislav Ivanov tomonidan urilgan gollar evaziga g'alaba qozonishgandi – 2:0. Vodiyda esa Iqbol Boboxonov tomonidan urilgan gol “burgutlar”ga 3 ochko keltirgandi – 1:0.

Andijonda o'tgan so'nggi besh uchrashuv:
08.08.2015 Andijon - Mashal 1:0
29.03.2014 Andijon - Mashal 0:1
19.05.2012 Andijon - Mashal 4:0
02.04.2011 Andijon - Mashal 4:0
26.10.2010 Andijon - Mashal 1:1

O'zaro o'yinlar haqida fakt: “Andijon” o'z uyida bu raqibni 7 bor taslim qilgan. Ikki bor durang qayd etilgan. 4 marta “Mashal” Andijondan uch ochko bilan qaytgan.