Pogba: "Hech qachon "hech qachon" deyish kerak emas"

Avvalroq futbolchi 4 yilga chetlatilgan, biroq keyinroq ushbu muddat 18 oygacha kamaytirilishi oqibatida xavbek 2025 yil mart oyida maydonga tusha oladigan bo'ldi.

Men [CAS qarorirdan] juda mamnunman. Men hech nima qilmadimku – qaysi aybim uchun to'rt yil jazo tayinlanishi kerak? Endi yana sevimli ishim bilan mashg'ul bo'la olaman. Tabiiyki, men u [Dide Desham] bilan gaplashdim. U doim yonimda turdi va meni qo'llab-quvvatladi. Undan qattiq minnatdorman. Menga ikkinchi imkoniyat berilgandek, qo'limdan olib qo'yilgan narsamni qaytarib berishgandek. Bu hayotimning yangi sahifasi. Yaqinda mart oyi keladi va men buni intiqlik bilan kutyapman.

Faoliyatimni Liga 1da davom ettirish imkoniyatim bormi? Meni hozir ham klubim bor, men faqatgina maydonga qaytishni va yuzaga kelgan vaziyatdan chiqishni o'ylayapman. Biroq ertaga nima bo'lishini hech kim bilmaydi. SHuning uchun hech qachon "hech qachon" deyish kerak emas.

Bo'lajak jahon chempionatida o'ynashni istarmidim? Mening asosiy vazifam – bu, avvalambor, sport formamni tiklash, chunki men uzoq vaqt maydondan tashqarida edim. Hozir men faqatgina futbol maydoniga qaytishni xohlayman. Terma jamoada o'z klublarida yaxshi o'yin ko'rsatayotgan yigitlar bor va milliy terma tarkibiga kirish faqat o'zimga, o'yinimga bog'liq.