Pito: "Ukraina o'yinning dastlabki qismida bizga syurpriz tayyorladi"

"Ukrainaga qarshi juda og'ir o'yin o'tkazdik. Raqib kuchli edi. Qolaversa, ularning darvozaboni ko'p vaziyatda jamoasi joniga ora kirdi. Bu bizning ishimizni qiyinlashtirdi, ammo yakunda g'alaba qozonishga muvaffaq bo'ldik. 

Menimcha, yomon o'yin namoyish etmadik. Yarim final bo'lgani uchun ham biroz bosim bor edi. Qolaversa, Ukraina juda kuchli jamoa hisoblanadi. SHu bois o'yinning dastlabki qismida raqib bizga syurpriz tayyorladi va bellashuv davomida qiyinchilik tug'dirdi.

Finalda qaysi jamoa raqib bo'lishidan qati nazar qiyin o'yin guvohiga aylanamiz. Hozir dam olishimiz va hal qiluvchi bellashuvga hozirlik ko'rishimiz darkor", dedi Pito.

Eslatib o'tamiz, Braziliya finalda Argentina — Franciya juftligi g'olibi bilan to'qnash keladi.

Oqil Abdubarnoev suhbatlashdi.