Pioli: "Muxlislarning noroziligi o'rinli"

"Rossoneri" so'nggi 6 o'yinda faqatgina bir marta g'alaba qozondi.

"Biz istagan va namoyish qila olishimiz mumkin bo'lgan o'yinni ko'rsata olmadik. Biz oldinga o'tavergandan ko'ra o'yinimizga tartib va sifatni olib kirishimiz kerak. Hatto o'tgan haftalar mobaynida natijani o'zimizniki qila olmagan bo'lsak-da, yaxshi o'yin namoyish qilgandik. Bugun esa unday bo'lmadi.

Natijalar va o'yin sifati doimo xavotirga sabab bo'ladi. Ushbu o'yin qiyin o'tishini bilgandik, chunki "Udineze" istalgan raqibiga ritmini topib olishi uchun imkoniyat bermasligi mumkin. Umuman olganda uchrashuv bizning standartlarga mos o'tmadi. Biz oldinga harakatlanish uchun ishtiyoq topishimiz, ko'plab holatlarda sifatliroq ishlashimiz kerak.

ECHLda faqatgina bir natija bizni qoniqtiradi. Bunda biz har bir aspektda: texnik, jismoniy va taktik tomonlama o'zimizni ko'rsatishimiz kerak. Bugungi ko'ngilsiz natijadan keyin PSJga qarshi o'yinga yaxshiroq tayyorlanishimiz kerak", - dedi Pioli.