Pike - LFP prezidentiga: "Siz buni ko'rdingizmi?"

Bu safar Pike "Vilyarreal"ga qarshi bahsdan so'ng g'azab otiga mindi. Malumotlarga ko'ra, Pike Ispaniya professional futbol ligasi (LFP) prezidenti Xaver Tebas o'tirgan tribunaga yaqinlashib, unga quyidagi so'zlarni aytgan: "Siz buni ko'rdingizmi? Ha, siz, aynan siz ko'rdingizmi?".

Keyinroq Pike yana bu gaplarni ham aytdi: "Bruno Soriano qo'l bilan o'ynagani hammaga ko'rindi. Maskerano ham qo'l bilan o'ynaganini ko'rdim, ammo futbolchilarning maqsadi haqida gapirsak... Hammasini tahlil qilishsin, bu haqda boshqa gapirmoqchi emasman. Ammo o'tgan haftada aytgan so'zlarim asosli ekanligini his qilyapman".