PFLning maxsus ishchi komissiyasi “Buxoro” va “Mashal” stadionlarini ko'zdan kechirdi
29 noy 2018 11:20
Yangiliklar
![](https://championat.asia/upload/storage/464905_original.jpg)
![](/upload/storage/464905_220.jpg)
PFLning maxsus ishchi komissiyasi “Buxoro” va “Mashal” stadionlarini ko'zdan kechirdi
“O'FA va O'zPFL tomonidan o'tkaziladigan musobaqalarda ishtirok etuvchi futbol klublarini licenziyalash va professional futbol klubi maqomini belgilash bo'yicha reglament” ishlab chiqilgani va uning O'FA Ijroqo'mi byurosi tomonidan tasdiqlangani haqida xabar bergan edik.
Mazkur reglament futbol klublarini 2019 yilgi mavsum uchun tayyorlab boradi. Hali yangi mavsum oldidan licenziyalash jarayoni boshlanmagan bo'lsa-da, ayni paytda Superliga va Pro ligada ishtirok etuvchi klublarga licenziyalash talablari haqida atroflicha malumot berish, ulardan ushbu jarayonni muvaffaqiyatli yakunlash, kelasi mavsumda Superliga yoki Pro ligada ishtirok etish uchun qo'yiladigan talablar borasida to'liq axborot berish ishlari boshlab yuborildi.
Yangi mavsum oldidan klublar oldiga qo'yiladigan talablar ichida eng muhimlaridan biri – yaxshi stadion infratuzilmasiga va yaxshi holatdagi maydonga ega bo'lish sanaladi.
SHu sababdan bu safar Buxoro va Muborakda bo'lgan PFLning maxsus ishchi komissiyasi “Buxoro” va “Mashal” klublari qarorgohini va ushbu jamoalar uy uchrashuvlarini o'tkazadigan stadionlarning ayni paytdagi holatini ko'zdan kechirdi. “Buxoro” sport majmuasida maydon chimi holatini yaxshilash, maysani parvarish qilish borasidagi kerakli tavsiyalar ushbu soha bo'yicha mutaxassis tomonidan berildi. SHuningdek, mazkur stadiondagi o'rindiqlar holati ham biroz talab darajasida emas ekani etirof etilib, kelasi mavsum oldidan tribunalar holatini ham yaxshilash lozimligi takidlandi.
“Mashal” jamoasi uy o'yinlarini o'tkazadigan “Bahrom Vafoev nomidagi stadion”da ham maydon holatini yaxshilash, maysani parvarish qilish bo'yicha amalga oshirlishi lozim bo'lgan ishlar mavjud ekani malum bo'ldi. Soha bo'yicha mutaxassis qish mavsumida maysa parvarishi bo'yicha o'z tavsiyalarini berdi. Qolaversa, “Mashal” jamoasi stadion yoritish tizimi (ayni paytda 1100 lyuks) ni yaxshilashi zarur ekani qayd etildi.
Ushbu klublar maxsus ishchi komissiya tavsiyalariga ko'ra qishdagi mavsumlar oralig'ida mavjud kamchiliklarni bartaraf etishi lozim bo'ladi.
O’xshash yangiliklar
![AMP Logo](https://championat.asia/image/logo-amp.png)
Fikrlar