PFLning maxsus ishchi-guruhi Superliga va Pro liga klublarini licenziyalash talablari ijrosi bo'yicha monitoringdan o'tkazadi

“O'FA va O'zPFL tomonidan o'tkaziladigan musobaqalarda ishtirok etuvchi futbol klublarini licenziyalash va professional futbol klubi maqomini belgilash bo'yicha reglament” ishlab chiqilgani va uning O'FA Ijroqo'mi byurosi tomonidan tasdiqlangani haqida xabar bergan edik.

Takidlanganidek, PFL mazkur reglament asosida futbol klublarini kelasi mavsum uchun tayyorlab boradi. Ayni paytda Superliga va Pro ligada ishtirok etuvchi klublarga licenziyalash talablari haqida atroflicha malumot berish, ulardan ushbu jarayonni muvaffaqiyatli yakunlash, Superliga yoki Pro ligada ishtirok etish uchun qo'yiladigan talablar borasida yanada to'liq axborot berish, aynan qanday jihatlarga etibor qaratish lozim ekani, klub tizimi yoki ichki infratuzilmasi bo'yicha tuzatish yoki yaxshilash zarur bo'lgan masalalarini muhokama etish maqsadida bugun, 4 dekabrdan boshlab O'zPFLning maxsus monitoring ishchi-guruhi Superliga va Pro liga klublariga tashrif buyurishni boshlaydi.

Monitoring ishchi-guruhi dastlab “So'g'diyona”, “Dinamo”, “SHo'rtan”, “Mashal”, “Buxoro” va “Qizilqum” klublariga tashrif buyurib, mazkur klublarning yaqin kelajak rejalari, oldinda amalga oshirilishi mo'ljallangan loyihalar, va umuman licenziyalash talablari qay tarzda bajarilayotgani bo'yicha monitoringdan o'tkazadi.