PFLdan yangi qoida

Unga ko'ra bundan buyon chempionat bahslarida qizil kartochka bilan jazolangan futbolchilarning licenziyasi hakamlar tomonidan olib qo'yiladi.

Futbolchining maydonga tushishiga ruhsat beruvchi mazkur licenziya har doim klubda bo'ladi. Murabbiylar har bir uchrashuvdan oldin ushbu hujjatni hakamlar brigadasiga ko'rsatishi kerak. Endilikda futbolchi qizil kartochka olsa hakamlar o'sha futbolchining licenziyasini klubdan olib PFLga topshiradi. PFL esa o'z navbatida futbolchi jazo muddatini o'tab bo'lgach licenziyani klubga yana qaytarib beradi.

Katta ehtimol bilan ushbu qoida PFL klublarning manfaatini o'ylagani uchun joriy qilingan. Sababi avvallari futbolchi uchrashuvda qizil kartoka olsa PFL futbolchiga nechta o'yinda maydonga tushish taqiqlanganini salkam ikki haftadan keyin malum qilardi.

Tabiiyki klublar jazo muddati elon qilinavermagach futbolchini maydonga tushirvorib, keyin buning uchun jazo olishga majbur bo'lishardi. Qabul qilingan yangi qoida aynan ushbu holatga chek qo'yadi.