PFL nega faqat Baqoevni jarimaga tortdi. Boshqalarga mumkinmi?
12 mar 2020 12:49
Yangiliklar
![](https://championat.asia/upload/storage/550932_original.jpg)
![](/upload/storage/550932_220.jpg)
PFL nega faqat Baqoevni jarimaga tortdi. Boshqalarga mumkinmi?
Ushbu xabarda "Superliganing 1-turi doirasidagi “Mashal” - “So'g'diyona” futbol klublari o'rtasidagi bo'lib o'tgan uchrashuvdan so'ng “So'g'diyona” futbol klubi bosh murabbiyi Ulug'bek Baqoev matbuot anjumanida ishtirok etmagani, bu bilan u Professional futbol klublari uchun 2020 yilgi musobaqalar reglamentining 9.17-bandini buzgani uchun Intizom kodeksining 5.34-bandlariga asosan unga nisbatan ogohlantirish hamda moddiy jarima intizom chorasi qo'llanildi", - deb yozilgan.
Qizig'i aynan o'sha o'yindan keyin "Mashal" bosh murabbiyi Zoir To'raqulov ham matbuot anjumanida ishtirok etmagandi. Birinchi turda ham ikkinchi turda ham "Mashal" katta murabbiyi Dilyaver Vaniev matbuot anjumanida qatnashdi.
2-turda "Qizilqum" - "Surxon" uchrashuvidan keyin mezbonlar bosh murabbiyi Hamidjon Aktamov ham matbuot anjumaniga kirmadi. Uning o'rniga Obid Xudoyorov keldi.
Biroq PFL hozirgacha faqat Ulug'bek Baqoevga nisbatan jarima qo'lladi? Ushbu xabardan so'ng "Mashal" yoki "Qizilqum" klubi vakillari bizdan norozi bo'lishlari mumkin. Ammo ertaga shu holatning aksi bo'lsa biz "Mashal" yoki "Qizilqum"ni yonini olishga tayyor.
SHunchaki PFL barcha klublarga birdek munosabatda bo'lishini istaymiz xolos.
Narzulla Saydullaev
O’xshash yangiliklar
![AMP Logo](https://championat.asia/image/logo-amp.png)
Fikrlar