PFL bosh maslahatchisi: "Ligalar soni endi 3 ta bo'ladi: Superliga, Pro-liga, 2-liga "
20 noy 2018 22:20
Yangiliklar
![](https://championat.asia/upload/storage/463544_original.jpg)
![](/upload/storage/463544_220.jpg)
PFL bosh maslahatchisi: "Ligalar soni endi 3 ta bo'ladi: Superliga, Pro-liga, 2-liga "
PFL xodimi 2019 yilda bir qancha o'zgarishlar bo'lishi haqida xabar berdi.
2019 yil uchun futbol klublarni licenziyalash reglamentini yakunladik, u tasdiqdan o'tdi. Hech narsa osmondan olinmadi, OFK talablariga mos keladigan va shu vaqtgacha klublardan talab qilib kelingan masalalar reglamentdan o'rin oldi, - dedi PFL bosh maslahatchisi Diyor Imomxo'jaev.
Asosiy jihatlari:
Ligalar soni endi 3 ta bo'ladi: Superliga, Pro-liga, 2-liga
Ligalarda shuncha jamoa o'ynaydi deb hech kim belgilab bermaydi, ishtirokchilar soni licenziya talabining qanchalik bajarilishidan kelib chiqadi (istisno tariqasida aytish kerakki, Superligada klublar soni 12 tadan oshmaydi, 10 ta qolishi ham mumkin).
Superliga va Pro-liga talablari deyarli bir xil bo'ladi (kimga to'g'ri kelmasa, 2-liga bor).
Stadioni talab darajasida bo'lmagan klublar chempionatda ishtirok etmaydi (ishni hozirdan boshlagan klublargagina imkon beriladi. Ayni vaqtda “Nasaf” stadioni maysasi ijodkorlari PFL bilan hamkorlikda ish olib boryapti).
Superliga va Pro-liga klublarida akademiya bo'lishi shart (qo'rqib ketganlar uchun O'FAning taklifi bor).
Klublar futbolchilar bilan shartnomani PFL taqdim etgan namunaviy shartnomadan kelib chiqib tuzadi (futbolchilar, murabbiylar va klublar manfaatlari birdek himoya qilinadi, kontrakt muqaddasdir).
Superliga klublari ayollar va futzal jamoalariga ega bo'lishda davom etadi (hatto Pro-liga ham).
Alohida futzal, ayollar yoki U18 jamoalari PFL turnirlarda ishtirok etishi mumkin bo'ladi (licenziyalash talablariga javob bersa).
"1 va 2 yillik shartnomalar uchun ko'tarma pullari berilmaydi (ko'tarma pullari soliqlar masalasida klublarga engillik bo'lishi uchun oyliklarga qo'shib beriladi, ammo hali hech qanday karomat ko'rsatmagan futbolchi birdaniga hamma pulni olmaydi, u shunchaki shartnomaga imzo chekkani uchun o'zining birinchi maoshini birdaniga qo'lga kiritishi mumkin)".
"Hozircha xayolga kelmagan masalalarni birin-ketin aytib boraveraman. PFL uchun asosiy jihat klublar hisob raqamiga pul tushishi bo'ladi (boqimandalikdan bosqichma-bosqich qutilish kerak). SHuningdek, ishtoni yo'q klublar avval ishton sotib oladi va undan keyin qimmatbaho futbolchilarga og'iz soladi. Oldin maydon maysasini yaxshilaydi, stadionini to'g'rilaydi, akademiyasiga qaraydi, baza qiladi va undan keyin sovrinli o'rinlar uchun kurashadi", - deya Diyor Imomxo'jaev o'zining ijtimoiy tarmoqdagi sahifasida post qoldirdi.
O’xshash yangiliklar
![AMP Logo](https://championat.asia/image/logo-amp.png)
Fikrlar