PFL: Abramov 3ta o'yinga chetlatildi

OLIY LIGA
“So'g'diyona” himoyachisi Elyor Oripov 3-turdan o'rin olgan “Dinamo” bilan kechgan bahsda raqibiga jarohat etkazish maqsadida atayin tepgani uchun chetlatilgani bois 3ta o'yinga diskvalifikaciya qilindi.

YOSHLAR BIRINCHILIGI
“Qizilqum” himoyachisi Saidjon Hayitov 4-turdagi “Neftchi” bilan o'yinda hakamni kurakda turmaydigan so'zlar bilan so'kkani uchun maydondan chetlatilgandi. U 3ta o'yinga diskvalifikaciya qilindi.

“Lokomotiv” yarim himoyachisi Karen Abramov 4-turdagi “So'g'diyona”ga qarshi bellashuvda to'psiz qolgan raqibini atayin tepgani bois qizil kartochka olgandi. U bu qilig'i uchun 3ta o'yinni o'tkazib yuboradi, shuningdek jarima ham to'laydi.

“Dinamo” murabbiyi Rafael Balasanyan 5-turdan o'rin olgan “Andijon” bilan kechgan o'yinda hakamni so'kkani uchun chetlatilgani bois 2 million so'm jarimaga tortildi va ikkita o'yinga diskvalifikaciya qilindi.
 
BIRINCHI LIGA
2-turdagi “Qo'qon-1912” bilan kechgan o'yinda muxlislarga nisbatan nomaqbul so'zlar aytgani uchun chetlatilgan “Lokomotiv-BFK” yarim himoyachisi Jahongir Ishoqov 3ta o'yinga diskvalifikaciya qilindi va jarimaga tortildi.

2-turda “Istiqlol” bilan kechgan bellashuvda raqib futbolchisi yuziga atayin urgani uchun maydondan haydalgan “Kosonsoy” hujumchisi Abdurazzoq Jo'raev 4ta o'yinga chetlatildi va jarimaga tortildi.
 
“SHerdor” yarim himoyachisi Turg'un Qobilov 4-turdan o'rin olgan “Spartak” bilan bahsda o'yin qoidasini jiddiy tarzda buzgani uchun chetlatilgandi. U ikkita o'yinga diskvalifikaciya qilindi.