"Paxtakor" va "Double Pass" hamkorlik faoliyati boshlandi

Kompaniya vakillari bungacha ikki marta Toshkentda bo'lib, klubimiz faoliyatiga doir barcha jihatlarni sinchkovlik bilan o'rganib chiqishdi. SHunga doir dastlabki xulosalar taqdim etilib, ishni yanada to'g'ri yo'lga qo'yish uchun zarur holatlar belgilab olinib, klub rahbariyati bilan muhokama etildi. Endi esa hamkorlik doirasida ish rasman boshlab yuborildi. Kompaniya xodimlari klubdagi ishlarni to'g'ri yo'lga qo'yish uchun bevosita ishtiroklarini boshlashdi.

Eslatib o'tamiz, ushbu kompaniya futbol klublari tuzilmasini o'rganib, klub, futbolchilar va akademiyalarning yanada rivojlanishi uchun yordam berib keladi. Uning mutaxassislari klublarda bo'lib, malum vaqt davomida butun tizimni o'rganib chiqishadi va ish qay darajada professional yo'lga qo'yilgani haqida o'z xulosasini beradi.

"Double Pass" kompaniyasi Germaniya bundesligasi, Angliya premer-ligasi hamda jahonga mashhur klublar bilan hamkorlik qilib keladi.