"Paxtakor" U-14 Rossiyada xalqaro turnirda qatnashadi

Rossiyada 2018 yil bo'lib o'tadigan jahon chempionati oldidan futbolga qiziqishni oshirish va Kaluga viloyatida millionlar o'yinini rivojlantirish maqsadida ushbu turnir o'tkazilmoqda. Musobaqa "Bolalarni himoya qilish xalqaro kuni" - 1 iyunda start oladi. "Kaluga Junior Cup"da jamoamizdan tashqari Rossiyaning "Kaluga" va "Krasnodar", Belarusning "Dinamo", Abxaziyaning "Dinamo", Latviyaning "Super Nova", Xitoyning "Guanchjou Fuli" va Ruminiyaning "Juniorul" klublari tarbiyalanuvchilari ham ishtirok etishadi.
 
Turnirda "Paxtakor" sharafini Dilshod Nuraliev boshchiligidagi 2002 yil jamoasi himoya qiladi. Kalugaga quyidagi futbolchilar yo'l olishadi:
Nurbek Ahrorbekov, Azizbek Beshmatov, Ruslan Roziev, Nurmuhammad Saimnazarov, SHukron Yo'ldoshev, Azam Mannopov, Bekzod Nematov, Miraziz Saidov, Dilmurod Qosimov, Doniyor Sobirov, Temur Mamasiddiqov, Abdujabbor Zuhriddinov, Vladimir Nazarov, Diyor Xolmatov, Asror Vahobov, Parvizbek Tursunboev, Jasur Qahhorov, Abdumutalib Rejabboev.
 
8 jamoa 2 guruhga bo'lingan holda bahslarni boshlaydi va keyin jamoalar egallagan o'rinlari asosida pley-off o'yinlarida maydonga tushishadi. "Paxtakor" tarbiyalanuvchilari musobaqaga 31 may kuni jo'nab ketishadi.