“Paxtakor” U-14 - chempion!

Kecha Rossiyada bo'lib o'tgan “Kaluga Junior Cup” halqaro musobaqasi final uchrashuvi yakunlandi. Final bahsida Dilshod Nuraliev boshchiligidagi vakillarimiz Belorussiyaning mashhur “Dinamo-Minsk” akademiyasi vakillariga qarshi maydonga chiqdilar. Birinchi bo'limda raqib jamoasi hujumga zo'r bergan bo'lishiga qaramasdan jamoamiz himoyada juda yaxshi o'yin ko'rsatdi. Ikkinchi bo'limda “Dinamo” himoyachilari hatosidan unumli foydalangan Ruslan Roziev “Paxtakorni” oldinga olib chiqdi - 1:0. Goldan so'ng vakillarimizda hisobni oshirish uchun bir qator imkoniyatlar bo'ldi, lekin ikkinchi gol faqatgina uchrashuvining so'ngi daqiqasida kiritildi. SHunday qilib “Paxtakor” birinchi bor o'tkazilgan “Kaluga Junior Cup” halqaro musobaqasi g'olibiga aylandi. “Paxtakor” vakillari Diyor Xolmatov musobaqaning eng yaxshi hujumchisi, Ruslan Roziev esa musobaqaning eng yaxshi o'yinchisi deb tan olindilar. Mazkur g'alaba “Paxtakor” akademiyasi nafaqat Osiyoda, balki MDH davlatlari ichida eng yaxshilaridan biri ekanligini yana bir bor isbatladi.


“Kaluga Junior Cup” Final.
“Paxtakor” Toshkent - “Dinamo” Minsk – 2:0

“Kaluga Junior Cup” yakunlari.

Jamoalarning turnirdagi o'rinlari va eng yaxshi futbolchilar.

“Paxtakor”  O'zbekiston
“Dinamo-Minsk”  Belarus
“Krasnodar”  Rossiya
“Dinamo” Suxum Abxaziya
”Super Nova”  Latviya
“Guanchjou Fuli” Xitoy
FK “Kaluga” Rossiya
“Juniorul”  Rumyniya

Eng yaxshi darvozabon - Evgeniy Silakov (“Kaluga”)
Eng yaxshi himoyachi - Aleksey Firsov (“Dinamo-Minsk”)
Eng yaxshi yarimhimoyachi - Danil Rodin (“Krasnodar”)
Eng yaxshi hujumchi - Diyor Xolmatov (“Paxtakor”)
Eng yaxshi to'purar - Vladislav Lojkin (“Dinamo-Minsk”)
Turnirning eng yaxshi futbolchisi - Ruslan Roziev (“Paxtakor”)