"Paxtakor" - "Surxon" uchrashuvida belgilangan penalti qanday bekor qilindi?

"Surxon" jarima maydonchasida to'pni bosh bilan o'ynagan CHeranning harakatidan keyin to'p Husniddin G'ofurovning ko'kragiga tegdi. O'yin bosh hakami Ilgiz Tantashev esa mazkur vaziyatda to'p raqib futbolchisining qo'liga tegdi, deb hisoblab "nuqta"ni ko'rsatdi. Ammo biroz vaqt o'tgach, belgilangan penaltini bosh hakam Tantashev bekor qildi.

To'g'ri, takroriy lavhada to'p qo'lga emas, balki G'ofurovning ko'kragiga tekkani yaqqol ko'rindi. Ammo Tantashev dastlab belgilagan penaltini nimaga asoslanib bekor qilgani qiziq.

Bizda VAR yo'q. Lekin kechagi uchrashuvda "Surxon" zarariga, "Paxtakor" foydasiga qo'yilgan xato penalti o'z vaqtida bekor qilindi. 

Uchrashuvdan keyin malum bo'lishicha, Tantashevga birinchi navbatda o'sha chiziqda yaqin turgan yon hakam Husniddin SHodmonov bu vaziyatda to'p qo'lga tegmaganini aytgan. SHuningdek, zaxira hakami sifatida ishlagan Husan Muzaffarov ham hech qanday penalti bo'lmaganini bosh hakamga etkazib, xato qarorni to'g'rilash uchun yordam bergan. Bu vaziyatda esa Ilgiz Tantashev o'z xatosini vaqtida to'g'rilab, tezda belgilagan penaltisini bekor qildi. SHuningdek, o'sha vaziyatda ishtirok etgan "Paxtakor" futbolchisi Dragan CHeran ham to'p qo'lga tegmananini takidlab, penaltini bekor qilish qarorini qo'llab-quvvatlagan.

Qayd etish kerakki, Dragan CHeran o'sha epizoddan keyin hakamga penalti belgilashi haqida ishora ham qilmagan va keyinchalik qoida buzilmaganini tan olgan.

Garchi bizda hali VAR tizimi yo'lga qo'yilmagan bo'lsada, kechagi epizoddagi holat bo'yicha Ilgiz Tantashev boshchiligidagi hakamlar guruhi juda oqilona qarorga kelishdi. Bu esa albatta tahsinga sazovor ish.

SHu boisdan ham mazkur o'yinda birinchi yon qanot hakami hamda zaxira hakami sifatida ishlagan Husniddin SHodmonov va Husan Muzaffarovning vaziyatni to'g'ri baholay olgani, bosh hakamga chin manoda yordam ko'rsatgani etirofga loyiq.