So’nggi yangiliklar

08:00Гвардиола кечаги учрашувдан сўнг нималар деди?  0 07:18Sofascore. Ҳусанов ва унинг шериклари «Ливерпул»га қарши учрашувда қандай баҳо олишди?  4 07:02Бурчак зарбасидан гол ва ассистлар. Неймар «Сантос»га йирик ғалабани тақдим этди  1 02:43Лига 1. "Лион" ва ПСЖ ўртасидаги ўйинда 5та гол урилди, Хакимидан дубль  1 02:39А Серия. Влаховичнинг голи меҳмонда "Ювентус"га ғалаба тақдим этди  0 00:53Киммих "Бавария"да қолишга яқин  0 00:24Абдуқодир Ҳусанов бугунги ўйинда қандай статистика қайд этди?  5 00:15АПЛ. "Манчестер Сити" "Ливерпуль"га мағлуб бўлди, Ҳусанов ўйинда тўлиқ ҳаракат қилди  1 23:35Бундеслига. "Бавария" ўз уйида "Айнтрахт"га жавобсиз 4та гол урди, мюнхенликлар энг яқин таъқибчиларидан 8 очко илгарилаб кетишди  2 23:29БАА Про лигаси. "Ал Батаэҳ" кутилмаганда "Шаржа"дан устун келди, "Ал Ваҳда"дан йирик ғалаба  0 23:24АПЛ. "Манчестер Сити" ўз майдонида "Ливерпуль"га ютқазди. Ҳусанов ҳимоячилар орасида энг катта балл олди  181 23:00U-20 Осиё кубоги. Ўзбекистон ўз юришини чорак финалда тўхтатди  11 22:32"Челси" Ла Лигадаги ҳимоячи билан шартнома имзоламоқчи  1 22:10Ла Лига. "Реал" ўз уйида "Жирона"ни мағлуб этиб, очколар бўйича "Барса"га етиб олди, 39 ёшли Модрич ўйинда ҳисобни очди  64 21:56Гризманн ўзининг "Атлетико"даги келажагини белгилаб олди  0

“Paxtakor” stadioni tribunalarining malum qismi tamirtalab holatda ekanligi sabab yopildi Yangiliklar

“Paxtakor” stadioni tribunalarining malum qismi tamirtalab holatda ekanligi sabab yopildi

Teglar :  "Paxtakor" stadioni
PFL bergan bayonotga ko'ra "Paxtakor" stadionidagi malum sektorlar qisman yoki to'liq yopilgan.

“Paxtakor” stadioni tribunalari o'tgan yili bo'lib o'tgan U-23 Osiyo kubogida tamirga muhtoj ekanligi malum bo'lgandi. Buning oqibatida O'zbekiston U-23 termasining Iroqqa qarshi o'yini vaqtida ko'ngilsiz holat ro'y bergan bo'lib, keyinchalik OFK termamizning Yaponiya U-23 termasiga qarshi o'yiniga futbol muxlislarini kiritmadi, qo'shimchasiga O'FA katta miqdorda jarimaga tortildi. 

Mazkur voqeadan keyin “Paxtakor” stadioni tribunalari tosh va beton bo'laklaridan tozalandi. Sektorlar orqaliqlarida kichik tamirlash ishlari olib borildi. Ammo holat ijobiy tomonga o'zgarmaganligini Coca-Cola Superliga 3-turidan o'rin olgan “Paxtakor” — “Navbahor” uchrashuvi ko'rsatib berdi. Namanganlik futbol muxlislari joy olgan sektorlar maydonga qarab tosh hamda beton bo'laklari uloqtirildi. 

Mazkur holatlarni inobatga olib, O'zbekiston Professional futbol ligasi Ishchi guruh tuzdi. Mazkur Ishchi guruhdan Liga mutaxassislaridan tashqari O'FA inspekciya azolari, Toshkent shahar Ichki ishlar bosh boshqarmasi, Toshkent shahar bo'yicha Milliy gvardiya boshqarmasi, Toshkent shahar favqulodda vaziyatlar boshqarmasi vakillari, shuningdek, “Paxtakor” futbol klubi hamda stadioni rahbariyati joy oldi. Ishchi guruh “Paxtakor” stadionidagi barcha — 44 ta sektordagi holatni o'rganib chiqdi. 

Ayni vaqtda “Paxtakor” stadioni tribunalari to'liq tamirga muhtoj hisoblanadi. Mazkur tribunalarni shunchaki kosmetik tamirdan chiqarish holatni ijobiy tarafga o'zgartirmaydi. Har qanday sovuq ob-havo, yog'ingarchilik yoki muxlislar o'rtasidagi tartibsizlik beton qoplamaning oson uvalanishiga olib keladi. Bu esa stadionga qattiq jismlarning uloqtirilishi xavfini oshiradi. Bu esa huquqni muhofaza qiluvchi organlar vakillari, futbolchilar, rasmiylar, to'p uzatib turuvchi bolalarga jiddiy tan jarohati etkazilishi ehtimolini oshiradi. 

SHundan kelib chiqib, Ishchi guruh “Paxtakor” stadioni tribunalari to'liq tamirlanguniga qadar futbol uchrashuvlari vaqtida fuqarolar xavfsizligi va jamoat tartibini taminlash, shuningdek, uchrashuvlarni bevosita stadiondan kuzatishni maqsad qilgan futbol muxlislariga sharoit yaratish maqsadida 10, 11, 12, 13, 14, 15, 18, 19, 20, 21, 22, 23-sektorlarni qisman (maydon perimetridan boshlab 1 qatordan 23-qatorgacha bo'lgan ko'k hamda sariq tusdagi o'rindiqlar) yopishni, bunda 1-23 qatorlarga tomoshabinlar o'tib ketmasligining oldini olish maqsadida mazkur qatorlar alohida chegaralanishini taminlash, shuningdek, 1, 2, 3, 4, 5, 6, 7, 8, 9, 16, 17, 24, 25, 26, 27, 28, 29, 30, 37, 38, 39, 40, 41, 42, 43, 44-sektorlarni to'liq yopishni maqsadga muvofiq deb topdi.  

31, 32, 33, 34, 35, 36-sektorlar kichik tamirlash ishlarini olib borish, har bir rasmiy uchrashuv oldidan to'liq tozalash hamda nazoratni kuchaytirish sharti bilan muxlislarga xizmat qilishda davom etishi masalasi kelishildi. O'z navbatida “Paxtakor” futbol klubi hamda stadioni rahbariyati xizmat ko'rsatishi to'xtatilgan sektorlar hamda o'rindiqlar uchun chiptalar savdosini cheklashi, taqiqlangan nuqtalarda muxlislar harakatini cheklash uchun suniy to'siqlar o'rnatish majburiyatini oldi", -deyiladi PFL bergan bayonotda. 

Reyting: +16   

Fikrlar

championat.asia
< so’nggi yangiliklarni ko’rish
Яндекс.Метрика