"Paxtakor" kimni qaytarmoqchi, klub smetasi qisqardimi?
08 iyu 2021 19:50
Yangiliklar
![](https://championat.asia/upload/storage/641285_original.jpg)
![](/upload/storage/641285_220.jpg)
"Paxtakor" kimni qaytarmoqchi, klub smetasi qisqardimi?
Olimpik Abdurauf Bo'riev - 47', Muhammadali G'iyosov - 61', Alisher Odilov - 65' |
PRO liga. 10-tur 08/06/2021, 18:00 0
:
3
Tugadi
|
Neftchi |
Biz ham ushbu bahsni yoritish maqsadida saytimiz jamoasi bilan o'yingohga tashrif buyurganmiz. Uchrashuvni tomosha qilish uchun o'zbek futboliga bevosita aloqador bo'lgan rasmiylar, o'tmishning mashhur futbolchilari tashrif buyurishgan. Jumladan, futbolimiz tarixidagi eng kuchli hujumchilardan biri, bugungi kunda poytaxtning "Paxtakor" klubida sport direktori sifatida faoliyat yuritayotgan Jafar Irismetov ham. Biz yuzaga kelgan imkoniyatdan foydalanib Jafar akani suhbatga chorlab, bir nechta savollarimizga javob oldik...
— "Paxtakor" hokimlik tasarrufiga o'tgani haqida xabar berildi. Ammo jamoa ichidagi holat mavhumligicha qolmoqda. Bilamizki, "SFI Management Group" davrida klubning iqtisodiy ahvoli juda zo'r edi. Endi "Paxtakor"ning smetasi qisqaradimi?
— Yo'q, jamoa smetasi o'zgarishsiz qoladi. Bu borada Toshkent shahar hokimi Jahongir Ortiqxo'jaev bilan allaqachon suhbatlashdik. U kishining futbol haqidagi qarashlari bizga yoqdi. Endi klub siyosati asosan mahalliy futbolchilarga qaratib, ularni yangi darajaga chiqarishga qaratiladi.
— Birinchi davra yakuniga oz fursat qoldi. Smeta o'zgarishsiz qolgani haqida aytdingiz. Mavsum avvalida bir qator etakchilar jamoani tark etgandi. Imkoniyat bo'lsa, yozgi transfer oynasida ularning o'rni to'ldiriladimi?
— Yil boshida bazi etakchilarni yo'qotishimizga klubning kelajagi mavhum holatda ekani sabab bo'lgandi. OCHLdagi muvaffaqiyatsizliklarga ham shu sababchi. Muxlislar bizdan xafa bo'lgan bo'lishlari mumkin. Lekin ularni ishontirib aytishim mumkin, kelasi yil barchasi boshqacha bo'ladi. CHunki hozir bizda avlodlar almashinuvi jarayoni o'tyapti. Joriy yil bunaqa vaziyatda "Real" va "Barselona" ham kuboksiz qolganiga guvoh bo'ldik.
Ha, endi jamoa tarkibi kuchaytiriladi. Kecha Hojimat Erkinovning jarohatga yo'liqqanidan xabaringiz bor. U jamoamiz uchun ulkan yo'qotish. SHu tufayli bir qator kuchli futbolchilarni olib kelishni rejalashtiryapmiz, ammo bu transferlar qishda amalga oshsa kerak.
— Sir bo'lmasa, gap aynan kimlar haqida boryapti?
— Sizga aytishim mumkin bo'lgan yagona ism - Igor Sergeev. Uning o'zi yil avvalida ham jamoamizda qolishni istagandi.
— Igor yozda qaytadimi?
— Ha, Sergeevni yozda qaytarish borasida harakat qilyapmiz. Biroq uning "Aktobe" bilan shartnomasi bor. Voqealar rivojini kuzatamiz.
— Sergeevning transferi amalga oshmasa, boshqa hujumchi olib kelinadimi? Har holda Derdiyok raqobatdan holi bo'lib qolgani uning o'zi uchun ham, jamoa uchun ham yaxshi emas.
— "Paxtakor" uchun eng munosib variant Igor, deb o'ylayman.
— Sobiq hujumchi sifatida Eren Derdiyokning harakatlarini qanday baholaysiz? SHveycariyalik futbolchini klub tarixidagi omadsiz transferlar qatoriga qo'shsak bo'ladimi?
— Fikringizni tasdiqlasam, kimlardir xafa bo'lib qolishi mumkin...
— SHota Arveladzening jamoaga qaytishi haqida gap-so'zlar chiqdi. Bunda jon bormi?
— Ha, shunday mish-mishlar tarqaldi. Ammo hozircha Piter Xyuistra biz bilan. Fursatdan foydalanib, niderlandiyalik mutaxassis va jamoamiz vakillariga tashakkur aytib qolaman. Ular "Paxtakor"ning qiyin kunlarida, 4 oylab maosh olishmasa-da, maydonda borlarini berishdi...
O’xshash yangiliklar
![AMP Logo](https://championat.asia/image/logo-amp.png)
Fikrlar