"Paxtakor": Pandemiyani birgalikda engamiz!

Klub rahbariyati, xodimlar, barcha jamoalar murabbiylar shtabi va futbolchilari pandemiya sababli yuzaga kelgan qiyin sharoitda O'zbekiston aholisini qo'llab-quvvatlashdi.

Jahonda va yurtimizda kechayotgan og'ir damlarda birlashish hamda pandemiyaga qarshi birgalikda kurashish muhim.

Muqaddas Ramazon oyida birga yordamga muhtojlarga g'amxo'rlik qilib, mehribonlik ko'rsatish g'alaba sari yo'lda katta qadamga aylanadi.

"Paxtakor" futbol klubi rahbariyati va xodimlarining shaxsiy jamg'armasidan 100 million so'm miqdorida summani "Mehr-shafqat va salomatlik" jamoat fondiga ko'mak zarur insonlarga yordam ko'rsatilishi uchun o'tkazib berildi.

Birgalikda biz katta kuchmiz!