"Paxtakor" murabbiyi "Navbahor"da ish boshladi
08 jan 16:33
Yangiliklar

"Paxtakor" murabbiyi "Navbahor"da ish boshladi

Namangan viloyati hokimi, viloyat futbol associaciyasi prezidenti SHavkatjon Abdurazzoqov tashabbusi bilan viloyatimizda millionlar o'yini bo'lgan futbol, shu jumladan, bolalar va yoshlar futboliga ham katta etibor qaratilmoqda.

Namanganda iqtidorli hamda istedodli yosh futbolchilarni viloyatning bosh jamoasi “Navbahor” va O'zbekistonning turli yoshdagi terma jamoalariga etishtirib berish maqsadida, “Navbahor-U-21” yoshlar jamoasiga bungacha “Paxtakor” klubi hamda O'zbekiston yoshlar terma jamoasida faoliyat yuritgan, o'zbek futbolidagi ko'plab iqtidorli futbolchilar, jumladan, 2023 yili O'zbekistonning eng yaxshi futbolchisi deb topilgan Abbosbek Fayzullaevning ustozi, 1979 yili aviahalokatga uchragan “Paxtakor”ning taniqli futbolchilaridan biri Mixail Anning o'g'li Dmitriy Mixaylovich An murabbiy etib tayinlandi. Dmitriy An klub bilan 2 yillik shartnoma imzoladi.

Biz Dmitriy Mixaylovichga “Navbahor-U-21” yoshlar jamoamizdagi faoliyatida omad yor bo'lishini tilaymiz", - deb yozadi “Navbahor” PFK matbuot xizmati.\