"Paxtakor": Ikkinchi yig'in boshlandi

Mashg'ulotlarda terma jamoa safida Osiyo Kubogida ishtirok etadigan Egor Krimec, Jamshid Iskanderov va Igor Sergeevdan tashqari barcha futbolchilar qatnashmoqda. Hujumchi Navro'z Olimov ham yig'inga qo'shildi. Kaxi Maxaradze esa shu haftada Gruziyadan Toshkentga qaytadi va mashg'ulotlarda ishtirok etishni boshlab yuboradi. Yig'in 13 yanvar kuni yakunlanadi va 14 yanvarda jamoamiz Turkiyaning Antaliya shahriga o'quv-yig'in mashg'uloti uchun jo'nab ketadi. 8 yanvar kuni "Dinamo", 13 yanvarda "Metallurg" bilan Qibrayda nazorat o'yinlari bo'lib o'tadi. Har ikki bellashuv soat 12:00da boshlanadi.