So’nggi yangiliklar

14:42Инсайд тасдиқланди: Ўзбекистон U-21 терма жамоаси Тошкентда Қозоғистон билан беллашади  0 14:14Расман: Серж Орье Остон Ўруновнинг жамоадоши бўлди  1 14:00Суперлига. Ёзги трансферлар барчаси битта саҳифада   39 13:52"Фенербахче" "Барселона" собиқ ҳимоячиси билан шартнома имзолайди  0 13:27Эрон матбуоти: Машарипов Суперкубокда ўйнай олади  3 13:06Гёкереш "Арсенал"да дебют қилмасиданоқ рекорд қўйди  2 12:34"Зенит" собиқ футболчиси: "Файзуллаев ўйнамоқчи"  3 12:06Далот МЮ Мбеумо ва Кунья билан шартнома имзолаганидан хурсанд, чунки у энди уларга қарши ўйнашга мажбур эмас  0 11:39МЮ АПЛ ва Бундеслига юлдузлари билан ҳужумни кучайтирмоқчи  1 11:15Ўзбекистон U-17 терма жамоаси Англия билан ўйнайди!  6 10:54"Челси" 19 ёшли футболчининг трансфери учун 43 миллион сарфлайди  1 10:23"Қўқон-1912" футболчиси Ироқ клуби билан шартнома имзолади  2 09:58Ўртоқлик учрашуви. МЮ АҚШда йирик ҳисобда ғалаба қозонди  3 09:27Нима? "Ал Насср" Россия чемпионатида тўп сураётган футболчига 70 миллион евро бермоқчи  7 08:58Пролига. "Олимпик" 7 нафар футболчи билан шартнома имзолади  1

"Paxtakor" - biz uchun mavsumoldi tayyorgarlikdagi eng kuchli raqib - "Qayrat" yarim himoyachisi Guljigit Aliqulov (intervyu) Yangiliklar

"Paxtakor" - biz uchun mavsumoldi tayyorgarlikdagi eng kuchli raqib - "Qayrat" yarim himoyachisi Guljigit Aliqulov (intervyu)

Noqulay ob-havo va ikki mamlakat futbolini taqqosladik.

"Qayrat" va Qirg'iziston terma jamoasi yarim himoyachisi Guljigit Aliqulov Championat.Asia'ga intervyu berdi va unda Jasur Jaloliddinov bilan do'stligi, noqulay ob-havo, ikki mamlakat futboli va "Paxtakor"ga qarshi bo'lajak o'yindan nimalar kutayotganini bo'lishdi.


- O'yindan nima kutyapsiz? "Qayrat" o'yinchilarida qandaydir o'zgacha tayyorgarlik bormi?

- Bu biz uchun juda principial o'yin. Bundan tashqari, bu yangi mavsumga tayyorgarlik doirasidagi so'nggi o'yin. Biz "Paxtakor"ning mavsumoldi tayyorgarligidagi eng kuchli raqib bo'lishini tushunamiz. Jamoadagi barcha ertangi o'yinga tayyor, nimalarga qodirligimizni va mavsumga qanday tayyorgarlik ko'rganimizni ko'rsatishimiz kerak. "Paxtakor"da ko'plab kuchli va tajribali o'yinchilar bor, bu biz uchun juda sifatli sparring bo'ladi.

- Qirg'izistondansiz, Qozog'istonda o'ynaysiz va O'zbekistondan jamoalar bilan to'qnash kelgansiz. Balki qozoq va o'zbek futbolini solishtira olarsiz?

- Ikki bor O'zbekiston terma jamoasiga qarshi o'ynaganman, oldin Superliga o'yinlarini kuzatganman. Ammo, solishtirish qiyin, sababi Qozog'iston UEFAga, O'zbekiston esa OFKga kiradi. Qozog'iston klublari evrokuboklarda o'ynashadi, o'zbek jamoalari esa OFK CHempionlar ligasi va OFK kubogida yaxshi ishtirok etishadi. O'zbekistonda maydonlar yaxshiligini aniq aytishim mumkin - hamma erda tabiiy chim.



- Uslub bo'yicha solishtira olasizmi? Ko'plar o'zbek futboli ko'proq texnikaga urg'u beradi, qozoqlarnikida esa ko'proq jismoniy tayyorgarlikka etibor qaratiladi deb hisoblaydi.

- Agar Qozog'iston Premer-ligasining top-klublari bilan taqqoslasak, farq yo'q. U erda ham texnika bilan barchasi joyida. O'zbekistonda hozirda "Nasaf"ning etakchilardan biri ekanligini bilaman va ko'plab o'yinlarni ko'rganman. Ko'rganlarimdan va O'zbekiston terma jamoasining qanday o'ynashidan kelib chiqsak, o'yinchilar haqiqatdan ham juda texnikaga boy. SHu bilan birga ularda jismoniy holat bilan muammo bor demagan bo'lardim. SHu sabab, aytganimdek, katta farq yo'q.

- O'yin kuni noqulay ob-havo bo'lishi aytilmoqda. Bu o'yinchilarga sifatli futbol ko'rsatishga halaqit bermaydimi?

- Biz Olmaotada bunday ob-havoga ko'nikkanmiz (kuladi). Ehtimol bu "Paxtakor"ga ko'proq halaqit berar, sababi sizlarda ob-havo iliqroq. Bu erga kelganimizda farqni sezdik. Ammo, baribir professionallarmiz va har qanday sharoitda ham o'ynashga tayyormiz.



- "Qayrat"da Jasur Jaloliddinov bilan o'ynagansiz. U haqida nima deya olasiz va sizningcha nega jamoada o'rnini topa olmadi?

- Jasur – ajoyib o'yinchi va zo'r inson. U bilan haligacha do'stmiz va gaplashamiz. U "Qayrat"ga kelishi bilanoq, uni juda iliq kutib olganman.

Unga "Qayrat"da nima etishmaganiga kelsak, balki sabr bo'lishi mumkin. Uni jamoaga Qurbon Berdiev taklif qildi va Jasur uning qo'l ostida o'ynadi. So'ngra Berdiev ketdi va jamoa yangi murabbiy bilan boshqacha o'ynaydigan bo'ldi. Balki shunchaki yangi talablarga moslasha olmagandir. Ammo, u juda texnikali va aqlli futbolchi. Uning tez orada O'zbekiston terma jamoasini sehrli chap oyog'i bilan olg'a boshlashiga ishonaman.


Nikolay Egorichev suhbatlashdi

Alisher Ostonov tarjimasi

Reyting: +9   

Fikrlar

championat.asia
< so’nggi yangiliklarni ko’rish
Яндекс.Метрика