Pavlenko “Navbahor”dan ketdi

Avval futbolchiga bir qator jamoalar takliflar tushayotganligi haqida xabar berib uni boshqa klubga o'tishi mumkinligi haqida xabar berib o'tgandik. SHu sababli, Pavlenko takliflarni o'rganib chiqayotgandi. Bugun futbolchi “Navbahor” futbol klubi ofisiga kelib, tegishli xujjatlarini olib ketdi. Yani Pavlenko keyingi faoliyatini boshqa klubda davom ettiradigan bo'ldi. Klub rahbariyati futbolchiga ikkinchi davrada o'zaro hamkorlik qilishni taklif etishdi. Bundan tashqari bir guruh muxlislar ham Vladdan “Navbahor”da qolishni iltimos qilib ko'rishdi. Ammo, yarim himoyachi “Navbahor”dan ketishga qaror qilganligini aytib o'tdi.

Klub va Pavlenko o'rtasida tuzilgan o'zaro shartnoma tomonlar kelishuviga ko'ra bekor qilindi. Futbolchi bilan suhbatlashganimizda, bir qator jamoalar takliflar borligini bildirib, katta ehtimol bilan Muborakning “Mashal” klubi sharafini himoya qilishi mumkinligini malum qildi. Futbolchiga, “Navbahor” futbol klubi va muxlislar nomidan kelgusi faoliyatida omad yor bo'lishini tilab qolamiz.