Pavel Bugalo: "Paxtakor" stadioni bugun ko'p narsalarni yodimga soldirdi"

O'zbekiston terma jamoasining darvozasini qo'riqlagan tajribali sobiq darvozabon saytimizga o'zining taasurotlari bilan bo'lishdi. 

"Faxriylar bo'lsa ham kuchli va nomdor futbolchilari bor jamoaga qarshi o'ynadik. Ular Jahon chempionlari. Terma jamoamiz tarkibida o'z vaqtida birga o'ynagan futbolchilar bilan uchrashdik. Mana shu shou uchrashuv birlashtirdi barchamizni. Bu hayotimdagi yoddan chiqmaydigan lahzalar. Yakvinta menga gol urdi. Ular haqiqiy professionallar. Mahorat hech qachon aldamaydi. "Paxtakor" stadioni men uchun qadrdon. Bolaligim, futbolchilik yillarim shu erda o'tgan. Bu joyni unutib bo'larkanmi? Yo'q albatta. Mazkur o'yingoh menga ko'p narsalarni yodga soldiradi. Bugun ham shunday bo'ldi", - deydi Bugalo.