O'zPFL yil ramziy terma jamoasiga "Navbahor" va "Nasaf"dan ikki nafardan futbolchi kiritdi

Ortda qolgan mavsum ramziy termasidan "Surxon", "Nasaf", "Paxtakor", "Navbahor", "Neftchi" va "Andijon"dan vakillar o'rin olishdi.

Yil ramziy temasi:

Darvozabon: Artyom Potapov ("Surxon")

Himoyachilar: Hojiakbar Alijonov ("Paxtakor"), Alibek Davronov ("Nasaf"), SHerzod Nasrullaev ("Nasaf")

Yarim himoyachilar: Odil Hamrobekov ("Paxtakor"), Jamshid Iskanderov ("Navbahor"), Umar Adhamzoda ("Neftchi"), Oston O'runov ("Navbahor")

Hujumchilar: Silvanus Nimeli ("Surxon"), Dragan CHeran ("Paxtakor"), Rubin Xebay ("Andijon")

Bosh murabbiy: Aleksandr Xomyakov ("Andijon").

Ramziy terma jamoa haqidagi original videoni "Telegram-kanalimiz"da tomosha qilishingiz mumkin.

"Ramziy terma jamoadan joy olish doim yoqimli. Xursand qiladigan tarafi, har bir poziciya uchun ikki-uch nafardan futbolchi jiddiy kurash olib bordi. Ayrim yulduzlarning ramziy terma jamoadan tushib qolganidan o'zimiz ham hafamiz. Zero ular chindan ham jiddiy ter to'kishdi. Biroq bizda faqatgina 11 nafar futbolchi uchun joy bor edi. SHundan kelib chiqib, Liga ramziy termasi Sizning qarashlaringizdan farq qilishi mumkin. Ammo ishonamizki, mazkur jamoa ajoyib ijrochilardan tuzib chiqildi.

Biz ramziy terma jamoaga murabbiy sifatida Andijon ustozi Aleksandr Xomyakovni tanlab oldik. Zero, Paxtakor har yilgidan ham ko'proq ochko yo'qotdi. Nasaf Superligadan ko'ra CHempionlar ligasida muvaffaqiyatliroq o'ynadi. Navbahor chempionlik uchun kurash olib bordi, ammo yakunda 3-o'rin bilan kifoyalandi. OKMK esa Superligada bir bosh baland sakray olmadi. Neftchi so'nggi turlarga borib sovrinli o'rinlardan chiqib ketdi. Andijon esa har qanday holatda ham o'z qarichidan balandroq sakray oldi.

Hujumdagi uchlik borasida ortiqcha izohga hojat yo'q. Surxon darvozasini qo'riqlagan Artyom Potapov Superliganing 12 uchrashuvida darvozasi dahlsizligini saqlay oldi hamda Surxonning barcha uchun birdek qiyin raqib bo'lishiga hissa qo'shdi. Liga ramziy terma jamoadan joy olgan futbolchilarni bu muvaffaqiyat bilan qutlaydi. Aslida ulardan kam bo'lmasa-da, faqatgina ovoz berish yakunlariga ko'ra jamoaga kira olmay qolgan yulduzlarimizdan esa kelasi mavsumda yanada yaxshiroq ishtirok kutib qolamiz", - deyiladi PFL xabarida.