O'zbekistonlik o'yinchi Rossiya klubi taklifini qabul qildi

IFVPA yani 11x11 (bir vaqtning o'zida 22 ishtirokchi o'yinda ishtirok etadi) rejimidagi turnirlarda ishtirok etuvchi "FK TEMA" jamoasi hamyurtimizni o'z safiga qo'shib oldi. Ushbu rejim kundan-kunga ommalashib boryapti va tez orada bu yo'nalishda yangi yirik turnirlar tashkil etilishi mumkin. Abdusapi Qayumov hozirgacha 3 turnirda 14 ta uchrashuvda qatnashishga ulgurdi va gol+pass tizimida 12 ochko jamg'arishga erishdi.

"FK TEMA" sentyabr oyida Evropa klublari bilan CHempionlar ligasi turnirida ishtirok etishni rejalashtiryapti. Kibersportchimiz kecha yangi rejimda o'z faoliyatidagi birinchi sovrinni qo'lga kiritdi. U hujumkor markaziy yarim himoyachi rolini bajarmoqda. Bu yo'nalishda ham kibersportchimizga omad tilaymiz.