O'zbekistonlik hakamlar VAR tizimi bo'yicha OFKning seminarida ishtirok etishdi
22 iyu 2019 13:16
Yangiliklar

O'zbekistonlik hakamlar VAR tizimi bo'yicha OFKning seminarida ishtirok etishdi

Teglar : hakamlar VAR OFK

Malayziya poytaxti Kuala Lumpurda Osiyo futbol konfederaciyasining VAR tizimi bo'yicha ikkinchi seminari bo'lib o'tdi.

Ushbu seminar 2020 yilning yanvar oyida Tailandda bo'lib o'tadigan U-23 Osiyo chempionatiga tayyorgarlik doirasida tashkil etildi.

Unda 16 ta mamlakatdan hakamlar ishtirok etishdi. Jumladan, O'zbekistondan Valentin Kovalenko, Ilgiz Tantashev hamda Aziz Asimov kabi referilar VAR tizimi bo'yicha o'tkazilgan seminarda qatnashishdi.

Hakamlar seminar davomida VAR tizimi bo'yicha amaliy va nazariy bilimlarga ega bo'lishdi. Ushbu tizimning afzalliklari, uchrashuvlar davomida mazkur tizim bo'yicha ish olib borishda etibor qaratish lozim bo'lgan jihatlar xususida batafsil malumot berildi.

Takidlash joiz, mazkur seminarda instruktor sifatida Devid Ellerey (Angliya), Ali Al Traifi (Saudiya Arabistoni), Subhiddin Moxd Saloh (Malayziya), Xani Ballan (Qatar) va Farhod Abdullaev (O'zbekiston) ish olib borishdi.

Havola :

Manba : ufa.uz

Yangiliklarni Telegramda o'qing!

Reyting: +6