O'zbekistonda VAR tizimini yo'lga qo'yish mavzusida o'tkazilgan seminar yakunlandi
23 noy 2019 16:56
Yangiliklar
![](https://championat.asia/upload/storage/530365_original.jpg)
![](/upload/storage/530365_220.jpg)
O'zbekistonda VAR tizimini yo'lga qo'yish mavzusida o'tkazilgan seminar yakunlandi
SHu maqsadda Toshkentda VAR tizimini yo'lga qo'yish, ushbu tizimdan samarali foydalanish bo'yicha seminar boshlangani haqida malumot bergan edik.
FIFA va IFAB mutaxassislari tomonidan mazkur zamonaviy tizimni yo'lga qo'yishda etibor qaratish lozim bo'ladigan jihatlar, bunga qadar VAR tizimi joriy etilgan mamlakatlar tajribasidan unumli foydalanish, VAR tizimining foydali jihatlari, ushbu tizimni samarali qo'llashda operator va hakamlarning ahamiyati bo'yicha zarur ko'nikmalar taqdim etilgan seminar yakunlandi.
O'zbekiston futbol associaciyasi tashabbusi bilan tashkil etilgan ushbu seminarda FIFA Hakamlar boshqarmasidan Maykl Bossler, FIFAning futbolda zamonaviy texnologiyalarni tatbiq etish boshqarmasidan Bxveshan Morgen va IFAB vakili Tibo Niysen bu boradagi o'z bilim va tajribalari bilan o'rtoqlashishdi.
Qayd etish joiz, FIFA va IFAB tavsiyalariga muvofiq VAR tizimini yo'lga qo'yish uchun 7 oydan 12 oygacha vaqt talab etiladi va bu 3 bosqichda amalga tatbiq etiladi. Qolaversa, VAR tizimini to'liq yo'lga qo'yish uchun har jihatdan puxta tayyorgarlik olib borish lozim bo'ladi. Yani, dastlabki ikki bosqichda bu borada etarlicha tajribaga ega VAR provayderi bilan hamkorlik yo'lga qo'yiladi, ushbu tizim bo'yicha ishlaydigan mutaxassislar, videoperatorlar tayyorlanadi, stadionlar VAR tizimidan foydalaniash uchun moslashtiriladi, VAR bo'yicha ishlovchi hakamlar malakasi oshiriladi, shuningdek, yakuniy bosqichda futbolchi, murabbiylar, futbol jamoatchiligiga VAR tizimi ishlash tartibi bo'yicha zarur malumotlar taqdim etiladi. SHundan keyingina VAR tizimidan foydalanish mumkin bo'ladi.
O'zbekiston futbol associaciyasi FIFA va IFAB tavsiyalariga amal qilgan holda yuqorida sanab o'tilgan barcha jihatlar bo'yicha puxta hozirlik ishlari olib boradi. Bu boradagi dastlabki qadamlar allaqachon qo'yila boshlandi. 21-22 noyabr kunlari tashkil etilgan ushbu seminar davomida VARni yo'lga qo'yishda etibor qaratish lozim bo'lgan har bir jihatga batafsil to'xtalib o'tildi. Endilikda mazkur tizimni O'zbekistonda ham joriy etish bo'yicha keng qamrovli ish olib boriladi va VAR tizimidan rejaga muvofiq tarzda bosqichma-bosqich 2021 yildan boshlab foydalanila boshlanadi.
O’xshash yangiliklar
![AMP Logo](https://championat.asia/image/logo-amp.png)
Fikrlar