O'zbekiston yoshlar terma jamoasi mashg'ulotlarga kirishdi

2024 yilgi Parij Olimpiadasiga tayyorgarlik ko'rish maqsadida O'zbekiston U-21 terma jamoasi U-23 Osiyo kubogida ishtirok etadigan bo'ldi.

Yurtimizda o'tadigan chempionat yo'llanmasiga ega hisoblangan yoshlar terma jamoamizda saralash bosqich uchrashuvlarida qatnashish imkoniyati ham bor. Kuvaytda o'tadigan "D" guruhi saralash o'yinlarida vakillarimizga Kuvayt, Saudiya Arabistoni va Bangladesh yoshlari raqiblik qiladi.

Ushbu saralash bahslariga hozirlik ko'rish uchun Timur Kapadze murabbiyligi ostidagi terma jamoamiz kecha Toshkent shahrida o'quv-mashg'ulot yig'inini boshladi. Mashg'ulotlar 4 sentyabrga qadar davom etadi. 

Yig'in davomida yoshlar terma jamoamiz bir necha o'rtoqlik uchrashuvlarida maydonga tushadi. Murabbiylar shtabi mazkur yig'inga 25 nafar futbolchini jalb etgan.

Darvozabonlar: Vladimir Nazarov ("Olimpik"), Hamidullo Abdunabiev ("Olimpik"), SHukron Yo'ldoshev ("Paxtakor").

Himoyachilar: Doston Tursunov ("Olimpik"), Hamidjon Rustamxonov ("Olimpik"), SHohjahon Sultonmurodov ("Olimpik"), SHahzod Toirov ("Olimpik"), Saidazamat Mirsaidov ("Olimpik"), Muhammadqodir Hamraliev ("Dinamo"), Asliddin Toshtemirov ("Turon"), Sunnatullo Hamidjonov ("Olimpik"), Abubakr-Rizo Turdaliev ("Nasaf")

Yarim himoyachilar: Murod Rahmatov ("Nasaf"), Davron Anvarov ("Olimpik"), Farruhbek Muhtorov ("Olimpik"), Behzod SHamsiev ("Olimpik"), Diyor Holmatov ("Paxtakor"), Ibrohim Ibragimov ("Metallurg"), Diyorbek Rahimqulov ("Andijon"), Jasurbek Jaloliddinov ("Lokomotiv")

Hujumchilar: Alisher Odilov ("Olimpik"), Ruslan Jiyanov ("Olimpik"), Otabek Jo'raqo'ziev ("Olimpik"), Ulug'bek Hoshimov ("Neftchi"), Husayn Norchaev ("Nasaf")