O'zbekiston - Ummon. O'zaro o'yinlarda ustunlik raqib tomonida, biroq...
07 jan 2019 11:47
Yangiliklar
![](https://championat.asia/upload/storage/470637_original.jpg)
![](/upload/storage/470637_220.jpg)
O'zbekiston - Ummon. O'zaro o'yinlarda ustunlik raqib tomonida, biroq...
Bu jamoalar shu kunga qadar 5 marta to'qnash kelishgan. Dastlabki o'zaro o'yin 2001 yil Toshkentda o'tgan. JCH-2002 saralashi doirasida vakillarimiz raqibni tor-mor etishgan - 5:0.
Jafar Irismetov va Mirjalol Qosimov dublga erishgan. Yana bir golga Maksim SHackix mualliflik qilgan.
Ummonda o'tgan uchrashuv esa biz uchun juda alamli mag'lubiyat bilan tugagan. Birinchi taymda vakillarimiz 2:0 hisobida oldinga chiqib olishgan. Biroq ikkinchi bo'limda maydon egalari Aleksey Polyakov qo'riqlayotgan darvozaga 4ta gol urishning uddasidan chiqishgan - 4:2.
Keyingi uchta bahs ham o'rtoqlik maqomida bo'lgan. Yani Ummon bilan rasmiy to'qnashuvlarda natijalarimiz teng: bir g'alaba, bir mag'lubiyat.
2008 yil Maskatda bo'lib o'tgan o'rtoqlik uchrashuvida maydon egalari 2:0 hisobida g'alaba qozonishgan.
2014 yil ushbu jamoalar O'zbekistonda bir yo'la ikkita o'rtoqlik uchrashuvida maydonga tushishgan. Olmaliq va Toshkentda bo'lgan o'yinlar bir xil 0:1 hisoblari bilan tugagan. Olmaliqda Mirjalol Qosimov asosan yosh futbolchilarni maydonga tushirgan bo'lsa, Toshkentdagi bahs Maksim SHackix, Viktor Karpenko va Ulug'bek Baqoevning xayrlashuv o'yini bo'lgani ko'plab muxlislarning yodida bo'lsa kerak.
9 yanvar kungi bahsda O'zbekiston terma jamoaga omad yor bo'lishini tilaymiz!
Malumot uchun, 2018 yil Xitoyda o'tgan U-23 Osiyo chempionatida O'zbekiston guruhda Ummon bilan to'qnash kelgan va 1:0 hisobida g'alaba qozongan. O'sha uchrashuvda yagona golni ayni paytda milliy terma jamoa bilan BAAda bo'lib turgan Doston Tursunov urgan edi.
Uzbekistan Odil Akhmedov - 34', Eldor Shomurodov - 85' |
Asian Cup Grp. F . 1-tur 09/01/2019, 17:30 1
:
2
Tugadi
|
Oman Mohsin Al Ghassani - 72' |
Stadion: Sharjah Stadium, 9424 tomoshabin
Bosh hakam: Hyung-Jin Ko
O’xshash yangiliklar
![AMP Logo](https://championat.asia/image/logo-amp.png)
Fikrlar