O'zbekiston U-19 - Xitoy U-19. Islomjon Qobilov maydonga tushmaydi

Guruhda birinchi o'rinni qo'lga kiritib bo'lgan O'zbekiston safida bitta yo'qotish mavjud. Jamoa sardori Islomjon Qobilov o'tgan turda Avstraliya bilan bahsda qizil kartochka olib maydonni tark etgan edi. SHu sabab himoyachi Xitoy bilan uchrashuvda ishtirok eta olmaydi. 2ta o'yinlik diskvalifikaciya muddatini o'tab bo'lgan boshqa bir himoyachi Husniddin G'ofurov esa maydonga tushishi mumkin.

Eslatib o'tamiz, O'zbekiston va Xitoy o'rtasidagi o'yin bugun, 21 oktyabr kuni Toshkent vaqti bilan soat 21:30da boshlanadi. Mazkur bahs musobaqa jadvaliga hech qanday tasir ko'rsatmaydi. Tojikiston hamda Avstraliya o'rtasidagi o'yinda ikkinchi yo'llanma egasi aniqlanadi.