O'zbekiston - Quvayt o'yini Quvayt Futbol Federaciyasi iltimosiga ko'ra qoldirilgan

BAAning Dubay shahrida yig'in o'tkazayotgan O'zbekiston milliy terma jamoasi 10 dekabr kuni Dubayning Al SHaab klubi bilan o'rtoqlik uchrashuvida maydonga tushishi lozim edi. Ammo, ushbu uchrashuv nomalum sabablarga ko'ra o'tkazilmadi. SHundan so'ng O'zbekiston milliy terma jamoa azolari ikkiga bo'lingan holda o'zaro o'ynashdi.

Eslatib o'tamiz, rejaga ko'ra 10 dekabr kuni Quvayt milliy terma jamoasiga qarshi o'ynashi kerak edi, ammo so'nggi pallada Quvayt Futbol Federaciyasi o'zining tayyorgarlik rejasi o'zgargani sababli o'zaro o'yinni bekor qilishni so'ragan.

Eslatib o'tamiz, O'zbekiston milliy terma jamoasining Dubaydagi ilk yig'inini 14 dekabr kunigacha davom etadi. Ushbu yig'in davomida 13 dekabr kuni Mirjalol Qosimov jamoasi Falastin terma jamoasiga qarshi o'rtoqlik uchrashuvida maydonga tushadi.