O'zbekiston nogiron-amputantlari Irlandiya ustidan 6:1 hisobida g'alaba qozonishdi

Mavzur Umarxo'jaev qo'l ostidagi O'zbekiston nogiron-amputantlar terma jamoasi 1 dekabr, dushanba kuni Irlandiya terma jamoasiga qarshi maydonga tushishdi.

Uchrashuv taqdiri birinchi bo'limdayoq hal qilib bo'lingandi - 1-taymni 5:0 hisobidagi g'alaba bilan yakunlagan O'zbekiston futbolchilari yakunda 6:1 hisobida zafar quchishdi.

Eslatib o'tamiz, musobaqadagi dastlabki uchrashuvda O'zbekiston terma jamoasi Ukraina ustidan 7:0 hisobida g'alaba qozongan edi. Guruh bosqichining so'nggi turida Braziliya terma jamoasiga qarshi bahs olib boriladi. Uchrashuv 2 dekabr, seshanba kuni bo'lib o'tadi.

Eslatib o'tamiz, Mavzur Umarxo'jaev bosh murabbiyligidagi O'zbekiston terma jamoasi nogiron-amputantlar o'rtasida amaldagi jahon chempioni sanaladi va terma jamoa Meksikadagi Jahon chempionatida o'z unvonini himoya qiladi.

Malumot o'rnida, Meksikaning Kuliakan shahri mezbonlik qilayotgan Jahon chempionatida jami 22ta terma jamoa ishtirok etmoqda.