O'zbekiston kubogi. Muxlislar rekordini bilasizmi?

Mazkur o'yinga Namangan va Qarshidan ishqibozlarning ulkan oqimi kutilyapti. Buxoro aholisi ham katta futbolni sevishini inobatga olsak,  stadion to'lsa kerak. 

Finallar tarixiga murojaat qilib, eng ko'p muxlis yig'gan “jang”lar reytingini shakllantirdik:

Bu boradagi eng yaxshi natija 30 ming kishini tashkil qilgan. Ushbu rekord 2000 yil “Paxtakor” stadionida o'tkazilgan “Do'stlik” hamda “Dinamo-Samarqand” jamoalari o'rtasidagi uchrashuvda o'rnatilgan.

Oradan 17 yil o'tib, “Bunyodkor” stadioni mezbonlik qilgan poytaxt derbisiga yana shuncha odam “to'plandi” (Oliy o'quv yurtlari yordamida).

Keyingi pog'onaga 2009 yilgi final yozilgan. Stanislav Andreevning goli “Bunyodkor”ni mag'lub qilgan bahsda “Paxtakor”ga 27 543 kishi yig'ilgandi.

“Paxtakor” va “Neftchi” o'rtasida 2001-2002 yillarda o'tkazilgan ikkala finalda ham roppa-rosa 25 minglik auditoriya yig'ilgan. 

Bu boradagi antirekord 2020 yil Namanganda qayd etilgandi. AGMK va “Paxtakor” jamoalari o'rtasidagi uchrashuvga atigi 3,5 ming tomoshabin tashrif buyurgan.

Malumot uchun, juda noqulay ob-havoda o'tib, tarixga “loy jangi” sifatida kirgan “Quruvchi” — “Paxtakor” o'yiniga ham 3 karra ko'proq muxlis tushgan.

❗"Buxoro" sport majmuasi o'z bag'riga 25 mingga yaqin tomoshabinni sig'dira oladi. Final chiptalarini toifasiga qarab 25 mingdan 70 ming so'mgacha xarid qilishingiz mumkin.

Muallifning telegramdagi kanali → FR| futbol ANALIZI