O'zbekiston futzal terma jamoasi Islom birdamlik o'yinlari oldidan yig'in tashkil etadi

Mashg'ulotlar "Yunusobod" sport majmuasida olib boriladi. 

Mazkur yig'in noyabr oyida Saudiya Arabistonida bo'lib o'tadigan V Islom birdamlik o'yinlari musobaqasi oldidan asosiy ko'rik vazifasini o'tab beradi. 

Yig'in davomida jahon futzalida o'z o'rniga ega bo'lib borayotgan Qozog'iston terma jamoasi bilan nazorat uchrashuvida kuch sinashish ham rejalashtirilgan. Yon qo'shnilarimizga qarshi o'rtoqlik o'yini 16 oktyabr kuni soat 17:00 da "Yunusobod" sport majmuasida bo'lib o'tadi va "Sport" telekanali hamda O'FFning YouTube kanali orqali to'g'ridan to'g'ri, jonli tarzda translyaciya qilinadi. O'z o'rnida, uchrashuvni bevosita "Yunusobod" majmuasida ko'rishni istagan barcha ishqibozlar mutlaqo bepul kiritiladi. 

Murabbiylar shtabi bu galgi yig'inga quyidagi futzalchilarni jalb etgan:

Darvozabonlar – Shavkat Ibragimov (“Oil Star”), Mirislom Miraliev (OKMK), Doniyor Umarov (“Lokomotiv”).

Himoyachilar – Ilhomjon Hamroev (“Oil Star”), Mashrab Odilov (BMB), Shahzod Sadiev (BMB).

Qanot o'yinchilari – Shahram Faxriddinov (OKMK), Xayrulla Solixov (OKMK), Muhammadali Xusanboev (BMB).

Qanot hujumchilari – Elbek To'lqinov (“Oil Star”), Abror Axmedzyanov (OKMK), Ixtiyor Ropiev ("Nasaf"), Akbar Usmonov (SQB), Daler Eshonqulov ("Dinamo"). 

Hujumchilar – Muzaffar Ahadjonov (BMB), Artur Umurov ("Oil Star").