O'zbekiston delegaciyasi Madriddagi Butunjahon futbol sammitida ishtirok etmoqda

Butun Jahonning eng kuchli klublari, futbol ligalari, Xalqaro federaciyalar va associaciyalar, dunyoga mashhur OAV hamda kompaniyalarning 3000dan ziyod vakillari ishtirok etayotgan ushbu sammit Madridning eng mashhur "Goyya forum" teatrida o'tkazilmoqda.

Butunjahon futbol sammiti joriy yil hisobidan uchinchisidir. Sammitda O'zbekiston professional futbol ligasi Bosh direktori Omon G'ofurov boshchiligidagi delegaciya ishtirok etmoqda. Butunjahon futbol sammiti direktori Marian Otamendi va La liga rahbariyati Markaziy Osiyodan faqatgina O'zbekiston delegaciyasini ushbu yig'ilishga taklif etgani diqqatga sazovor.

O'zbekiston futbol associaciyasi birinchi vice-prezidenti Umid Ahmadjonovning O'zbekistonda futbolni rivojlantirish strategiyasiga binoan delegaciyaning o'zbekistonlik vakillariga dunyoning futboli rivojlangan uyushmalari hamda ligalari bilan yaqindan hamkorlik o'rnatish hamda ulardan tajriba o'rganish vazifasi qo'yilgan.

Bugun sammitning birinchi kunida yig'ilishni Butunjahon futbol sammiti direktori Marian Otamendi ochib berdi. SHundan so'ng minbarga rejaga asosan birin-ketin obro'li, futbol dunyosida o'z o'rniga ega insonlar taklif etila boshlandi.

Xususan yig'ilishda "Yuventus" futbol klubi hamda Evropa klublari associaciyasi prezidenti Andrea Anelli so'zga chiqib, futbol jamoatchiligining diqqatini futboljdagi globallashuv jarayoniga qaratdi.

Sammitda futbol elitasini tashkil etuvchi associaciyalar va ligalardan tashqari, jahonda etakchi bo'lgan Microsoft, London Exchange, Facebook kompaniyalarining vakillari ham ishtirok etishmoqda.

Sammit doirasida O'zbekiston delegaciyasi dunyoning rivojlangan futbol uyushmalari va tashkilotlari bilan marketing, futbol akademiyalari, La liga sport dasturlari, OAV va muxlislar bilan ishlash hamda futbol rivojiga oid boshqa masalalar yuzasidan muzokaralar o'tkazadi.