Oybek Rustamov: "Oldinda turgan o'yinlarimizda ijobiy natijalar ko'rsata olamiz"
31 avg 2022 22:15
Yangiliklar
![](https://championat.asia/upload/storage/714912_original.jpg)
![](/upload/storage/714912_220.jpg)
Oybek Rustamov: "Oldinda turgan o'yinlarimizda ijobiy natijalar ko'rsata olamiz"
Coca Cola Superligasi 17-turidan o'rin olgan "Metallurg" – "Qo'qon-1912" (0:0) uchrashuvidan keyin mehmonlar futbolchisi Oybek Rustamov o'z fikrlari bilan o'rtoqlashdi.
"Metallurg"ga qarshi Bekobodda juda qiyin o'yin bo'lishini kutgandik. SHunga yarasha tayyorgarlik ko'rgan edik. O'yin qiziqarli bo'ldi. Mezbonlar ham ancha yaxshi harakat qilishdi. Bu mavsum har bir bellashuv murosasiz kechmoqda. Biz hali oldimizda turgan o'yinlarda ijobiy natijalar ko'rsata olamiz.
Albatta, natija ikki tomonni ham qoniqtirmasligi tabiiy. To'g'ri, raqib bizga nisbatan ko'proq to'pni o'zida saqladi. Lekin gol bo'lmagunicha birorta jamoani yaqqol ustun bo'ldi, deb bo'lmaydi.
Bizda ham bir qator vaziyatlar yuzaga keldi, ulardan unumli foydalana olganimizda, balki g'alaba qozonishimiz ham mumkin edi", – deya so'zini yakunladi Rustamov.
O’xshash yangiliklar
![AMP Logo](https://championat.asia/image/logo-amp.png)
Fikrlar