O'tkir Yusupov qanday jazo oladi?

Haydarovning audiosi tarqashi, klub rasmiylari ishtirokidagi janjallar, muxlisning mashhur videomurojaati, Tantashev chetlatilishi, MTRK mashinasiga "fanat"larning hujumi...

Balki, kechagi uchrashuvning asosiy vaqti so'nggi yillardagi to'qnashuvlar orasida eng tinch o'tgani bo'ldi. Akobirxo'ja SHukurullaev boshchiligidagi hakamlar brigadasi 90 daqiqa davomida hech qanday etirozga o'rin qoldirmadi (ko'z tegmasin).

Biroq, referi o'yinga yakun yasovchi hushtagini chalganida kunning asosiy voqealari endi boshlanayotganini hech kim bilmasdi. O'tkirbek Yusupov hamda "Paxtakor" muxlislar klubi etakchisi o'rtasida ro'y bergan to'qnashuv oxirgi 9 soat ichida ko'p va xo'b muhokama qilindi. Biz hech kim qilmagan ishga qo'l urib, masalaning huquqiy tomoniga to'xtalamiz:

Birinchi voqea uchrashuvga qo'shib berilgan 4-daqiqada mezbonlar muxlisi tomonidan to'pning maydon ichiga tepib yuborilishi bo'ldi. Bir so'z bilan aytganda, fan-klub etakchisi turishi taqiqlangan joyda paydo bo'ldi va qilmasligi kerak bo'lgan ishni amalga oshirdi. 

Reglamentning 16.4. bandida futbol klublari o'z muxlislari va jamoa nomidan biror-bir uchrashuvda muayyan vazifani bajarayotgan har qanday shaxs xulqi uchun javobgarligi belgilangan. Takidlash kerakki, Javohir SHokirov ayni paytda O'FA Intizom kodeksining 5.40. bandini buzdi: Stadion, futbol maydoni va stadionga yondosh hududda tartibsizliklarni keltirib chiqishga sabab bo'lgan provokacion xatti-harakat. 

SHu tufayli qoidabuzar ogohlantirilib, jarimaga tortilishi yoki nomuayyan muddatga chetlatilishi, stadionga nisbatan esa uchrashuvni tomoshabinlarsiz yoki neytral maydonda o'tkazish, diskvalifikaciya yoki pul jarimasi tortilishi mumkin.

Provakaciyaga uchgan Yusupov esa Intizom kodeksi 5.45. bandining P bo'limini buzgani uchun 2 o'yindan 10 o'yingacha diskvalifikaciya qilinishi, qo'shimcha ravishda unga nisbatan moliyaviy sankciyalar qo'llanishi mumkin.

"Yolg'iz posbon". "Navbahor" etakchisining siz bilmagan hikoyasi

Eslatib o'tamiz, shunday holat O'zbekiston kubogi-2021 yarim finali doirasidagi Jizzaxda o'tgan uchrashuvda ham sodir bo'lgan edi. O'shanda Umar Eshmurodov, Bahodir Nasimov va Ulug'bek Baqoev 2 tadan o'yinga chetlatilgan, shuningdek, jarimaga tortilgan edi.

Bundan tashqari, o'yindan keyin har 2 jamoaning boshqa rasmiylari o'rtasida ham kichik nizo paydo bo'lgani aytilmoqda. Bu haqda O'FA Tartib-intizom qo'mitasi qaroridan keyin bilib olishimiz mumkin.

"Yubiley". CHeran Arturning rekordiga yaqinlashdi