Futbolchi otasi qurolli hujum natijasida halok bo'lgan hamda noto'g'ri tatiurovka chizdirgan Gvatemala U-20 o'yinchisi Figu haqida

2004 yil kolumbiyalik futbolchi Aleks Montano dunyoga kelgan farzandiga "Real" va "Barselona"da porlagan portugaliyalik yulduz sharafiga Figu deb ism qo'yadi. Bugungi kunda Gvatemala U-20 terma jamoasida o'z o'rniga ega bo'lgan bolakay ikki kundan so'ng O'zbekistonga qarshi maydonga tushadi.

Gvatemalalik istedodli futbolchi hayotining har onida Meksika bilan chegaradosh Malakatanda joylashgan restoranda nomalum shaxslar tomonidan uyushtirilgan qurolli hujumda halok bo'lgan otasini xotirlaydi. Mahalliy hokimiyat malumotlariga ko'ra, uning otasi qurol kontrabandasi va odam savdosi bilan shug'ullanadigan xalqaro jinoiy narkoto'dalar tomonidan uyushtirilgan hujum oqibatida halok bo'lgan.

Kolumbiyalik Aleks Montano 2002 yil Tinch okeanidagi port shaharcha Buenaventuradan Gvatemalaga ko'chib kelgan. Uning orzusi farzandini mashhur futbolchi sifatida shakllantirish edi. Garchand bu kunlarni ko'rmagan bo'lsa-da, ota orzusiga qisman erishdi: uning o'g'li to'p tepayotgan Gvatemala yoshlar terma jamoasi o'z tarixida ikkinchi marta U-20 jahon chempionatida ishtirok etmoqda. "Ushbu muvaffaqiyatimni samolarda meni kuzatib turgan otamga bag'ishlayman", dedi Figu saralash bosqichidan so'ng. Hattoki, futbolchi chap bilagiga men jahon chempionati o'yinchisiman degan tatiurovka ham chizdirgan, biroq shoshqaloqlikka yo'l qo'ygan, yani uning qo'lida Indoneziya yozuvi aks etib qolgan. Mundial mezbonligi esa ushbu mamlakatdan olib qo'yilib, Argentinaga taqdim etilgan.

Futbolchining aytishicha, saralash bosqichining dastlabki o'yinida Salvadorga 1:5 hisobida imkoniyatni boy berib qo'ygach, ularning muvaffaqiyatli natija qayd eta olishiga hech kim ishonmay qo'yadi. Yakunda esa gvatemalaliklar yarim finalga qadar etib bori, mundial yo'llanmasiga ega chiqadi. SHu jumladan, chorak finalda Meksika penaltilar seriyasiga ko'ra mag'lub etiladi. 

"Murabbiy bizga ishonch bildirib, hamisha olg'a boshlagan. Bu ham yutug'imizning bir bo'lagidir", deya qo'shimcha qildi chap qanot o'yinchisi.

Figu ota makonida yashamayotgan bo'lsa-da, yaqinlari bilan aloqada bo'lib turadi. 

"Bobom, buvim, akam bilan doimo telefon orqali muloqot qilib turamiz. Men hech qanon Kolumbiyada bo'lmaganman, biroq qachondir u erga tashrif buyurib, yaqinlarim bilan uchrashishni orzu qilaman".

Uning otasi 2012 yilning dekabrida 38 yoshida ko'z yumgan.

"Otamning o'yinlarini ko'rdim. U juda kuchli zarbaga ega edi hamda mohirona fintlar ishlata olardi. Mening o'yinimni kuzatganlar jismoniy kuch va tezlik jihatdan otamnga o'xshashimni aytishadi. Otamdan ko'p narsa o'rganolmadim, chunki biz birga ko'p vaqt yashashga ulgurmadik".

Hozirda jahon chempionatida ishtirok etayotgan futbolchi bir kun kelib, otasining orzubini ro'yobga chiqarish maqsadida chempion bo'lishga qattiq bel bog'lagan.

Eslatib o'tamiz, "A" guruhining 3-turidan o'rin olgan O'zbekiston — Gvatemala uchrashuvi Toshkent vaqti bilan 27 may kuni soat 02:00 da boshlanadi.