Otabek SHukurov: "Bunchalik ko'p muxlis qarshisida o'ynash - ajoyib"

"Avvalambor muxlislarga rahmat aytaman. Aynan ularning yordami bilan ham g'alabaga erishdik. Juda ko'plab imkoniyatlarga ega bo'ldik ammo gollar ura olmadik. Bu borada yana ishlashimiz kerak. Bundan oldin Portugaliyada yig'inda ishtirok etib qaytdik. Asosiy etibor Jahon chempionatiga tayyorgarlik ko'rishdan iborat. Mundialda yurtimiz sharafini munosib himoya qilishga harakat qilamiz", - deb gap boshladi SHukurov.

- Yangi Zelandiyadan qanday o'yin kutgandingiz?
- Raqib o'zim kutganimdan ham kuchliroq o'ynadi. Portugaliya va Urugvayga qarshi o'ynadik. Ular bilan taqqoslasak Yangi Zelandiya biroz kuchsizroq deb o'ylagandim. Lekin bugun raqibimiz juda kuchli o'ynadi. Bundan tashqari 2 kunlik parvozlardan so'ng o'yinda ishtirok etdik.

- Nimaning hisobiga g'alaba qozondik deb o'ylaysiz?
- Jamoaviy o'yin, muxlislar qo'llab quvvatlashi.

- Bunday tomoshabinlar bilan to'la stadionda birinchi marta o'ynadingiz shekilli. Taassurotlaringiz qanday?
- Albatta, buncha ko'p muxlislar qarshisida o'ynash baribir yoqimli. Uchrashuvdan oldin farg'onalik yigitlar shu haqda aytishgandi, o'zim kelib bunga guvohi bo'ldik. Ajoyib hissiyotlar...

- "Bunyodkor"ga ko'chib o'tdingiz. Ammo juda kam maydonga tushayapsiz. Bunga sabab nima?
- O'z ustimda ishlayapman, murabbiyga asosiy tarkibga loyiqligimni isbotlashga urinayapman. Navoiyda "Qizilqum"ga qarshi bahsda zaxiradan maydonga tushdim. Asosiy tarkib uchun bor kuchim bilan kurashaman.


Islombek Rustambekov yozib oldi