O'smirlarimiz Turkiyada ikki o'yinda yirik g'alabaga erishishdi
25 mar 2014 13:21
Yangiliklar

O'smirlarimiz Turkiyada ikki o'yinda yirik g'alabaga erishishdi

O'zbekiston U-16 o'smirlar terma jamoasi navbatdagi o'quv-mashg'ulot yig'inini o'tkazish uchun Turkiyaga jo'nab ketgani xaqida xabar bergan edik.

Temur Olimxo'jeav boshchiligidagi O'zbekiston U-16 o'smirlari 21 va 23 mart kunlari Antaliya shahrida ikkita o'rtoqlik uchrashuvda maydonga tushgan.

Dastlab Rossiyaning “Zenit” klubi (U-16) o'smirlariga qarshi maydonga tushgan O'zbekiston U-16 o'smirlari 3:0 hisobida g'alaba qozonishgan.

Ikkinchi uchrashuvda Turkiyaning “Kepes” futbol klubi akademiyasi o'smirlari 4:0 hisobida mag'lubiyatga uchratilgan.

O'zbekiston U-16 o'smirlari Turkiya yig'ini davomida 25 va 27 mart kunlari yana ikkita o'rtoqlik uchrashuvida maydonga tushishi rejalashtirilgan.

25 mart kuni Daniya (U-16) o'smirlari va 27 mart kuni Rossiyaning “CHertanovo” klublariga qarshi o'rtoqlik o'yinlari o'tkaziladi.

O'FF matbuot xizmati

Havola :

Manba : championat.asia

Yangiliklarni Telegramda o'qing!

Reyting: