Osiyoda "Yilning eng yaxshi futbolchisi" bo'lishga nomzodlar taqdirlash marosimidan oldin o'z fikrlarini bildirishdi

Malumki, "Yilning eng yaxshi futbolchisi" bo'lish uchun uch nafar futbolchi kurash olib bormoqda. Bular - Omar Abdulrahmon, Omar Xrbin va Vu Ley. Taqdirlash marosimidan oldin har uchala nomzod o'z fikrlarini bildirib o'tishdi. BAAning "Al Ayn" klubi yarim himoyachisi Omar Abdulrahmon o'tgan yil "Eng yaxshi futbolchi" deb topilgandi. Bu yil esa u ikkinchi bor eng yaxshi bo'lishga harakat qilmoqda.

26 yoshli futbolchi Osiyo chempionlar ligasida o'zini ko'rsata oldi. U musobaqada ettita gol urishdan tashqari to'rt marta uchrashuvning eng yaxshi futbolchisi deb topildi. "Men taqdirlashga yana bir bor kelganimdan xursandman. Umuman olganda, to faoliyatimni tugatguncha har yili nomzodlar qatorida bo'lishni xohlayman", - dedi Omar Abdulrahmon.

Suriyalik Omar Xrbin uchun ham bu yil juda muvaffaqiyatli kechdi. U ham terma jamoa, ham klub miqyosida o'zini ko'rsata oldi. "Suriya jahon chempionati saralash bahslarini muvaffaqiyatli o'tkazdi. Biz pley-offga qadar etib bordik. SHuningdek, klubim "Al Hilol" bilan OCHL finallarida ishtirok etdim. Buni albatta o'zim uchun katta muvaffaqiyat deya olaman", - deydi Xrbin.

Xitoyning "SHanxay SIPG" klubi hujumchisi Vu Ley esa kkinchi bor eng yaxshilar qatoridan o'rin oldi. U o'tgan yil ham nomzodlar orasida bor edi. "Men bu yil nufuzli sovrinni yutmoqchiman. CHunki bu mavsum o'zimni ko'rsata oldim. Albatta, qolgan ikki nomzod ham kuchli, lekin sovrin menga nasib etishini xohlayman", - deydi xitoylik futbolchi.