Osiyo Kubogi. Yaponiya darhol BAA bilan o'yinga tayyorgarlikni boshlaydi

Yaponiya milliy terma jamoasi Iordaniyaga qarshi kechgan bahsda 2:0 hisobida g'alaba qozondi va guruhda yuz foizlik natija bilan chorak finalga chiqdi. O'yindan keyin o'tkazilgan matbuot anjumanida yaponiyaliklar ustozi Xaver Agirre quyidagi fikrlarni bildirdi:

"G'alaba qozonganimizdan xursandmiz, lekin buyog'iga oson bo'lmaydi. CHorak finalda hammasi biz uchun noldan boshlanadi. Iordaniyaga qarshi bahsni tezroq unutgan holda BAA bilan o'yinga tayyorgarlikni boshlaymiz".

"Men BAA ishtirokidagi bellashuvlarni ko'rdim. Raqib safida Umar Abdulrahmon, Ali Mabxut, Ahmad Xalil singari yaxshi futbolchilar bor. Ammo futbol - jamoaviy o'yin ekanligini unutmaylik".