Osiyo Kubogi. Qatar murabbiyi: "Uchta o'yinni ham boy berish alamli"

Uchrashuvdan so'ng o'tkazilgan matbuot anjumanida Qatar termasi ustozi Jamol Belmadi quyidagi fikrlarni aytib o'tdi:

"Bir yil ichida uchta musobaqada ishtirok etdik va shundan ikkitasida g'olib bo'ldik. G'arbiy Osiyo kubogi va Ko'rfaz kubogida birinchi o'rinni qo'lga kiritgandik, ammo Osiyo chempionatida o'zimizni ko'rsata olmadik. Guruhdagi uchala bahsda ham mag'lubiyatga uchrash juda alamli. Albatta, biz xatolarni tahlil qilib chiqamiz".

"Har uchala o'yinda ham etarlicha vaziyatlarga ega bo'ldik, lekin to'p kiritishda oqsadik. O'yinchilik paytimda gol urilmagan o'yinlardan siqilardim, hozir ham shunday. Lekin Qatar terma jamoasi o'z kuchiga ishonadi keyingi musobaqalarda o'zini ko'rsatishga harakat qiladi".